ကိုရိုနာဗိုင်းရပ်စ်ကြောင့် အထိအနာဆုံးနိုင်ငံတွေထဲ စပိန်နိုင်ငံ ပါဝင်ပါတယ်။ လူတွေ ခပ်ခြဲခြဲနေကြဖို့ တင်းကျပ်တဲ့ စည်းမျဉ်းတွေကို မတ်လလယ်ကတည်းက ချမှတ်ထားခဲ့တာပါ။ ကူးစက်မှုတွေနဲ့ သေဆုံးသူဦးရေ လျော့နည်းလာတာကြောင့် အပြင်မထွက်ရစည်းကမ်းတွေကို ဧပြီလနှောင်းပိုင်းမှာ ဖြေလျှော့ပေးတော့မယ်လို့စပိန်၀န်ကြီးချုပ်Pedro Sanchezက ဧပြီလလယ်ပိုင်းမှာ ကြေညာလိုက်ပါတယ်။ စပိန်ပြည်သူတွေကတော့ ကပ်ရောဂါနဲ့ မကြုံခင်တုန်းကလို ပုံမှန်သွားလာမှုတွေ ပြန်လုပ်နိုင်ဖို့အရေး မျှော်လင့်စောင့်ဆိုင်းနေကြတာပါ။Alfonso Beatoဘာဆီလိုနာမြို့က ပေးပို့တဲ့သတင်းကို မအိသန့်စင်က ပြောပြပါမယ်။