ဧပြီ ၁၉
တရုတ်အမျိုးသားကျန်းမာရေး ကော်မရှင်၏ ထုတ်ပြန်ချက်အရ တရုတ်နိုင်ငံတွင် ဧပြီ ၁၈ ရက်က ကိုရိုနာဗိုင်းရပ်စ်ကူးစက်ခံရသူ ၁၆ ဦးသာရှိခဲ့သည်။ ထို့ကြောင့် မတ်လ ၁၇ ရက်နောက်ပိုင်း ကူးစက်မှုအနည်းဆုံး တစ်ရက်တာဖြစ်ခဲ့ပြီး ဧပြီ ၁၇ ရက်ကလည်း ၂၇ ဦးသာ ထပ်မံကူးစက်ခံခဲ့ရသည်။
ဗိုင်းရပ်စ်ကူးစက်ခံရကြောင်း တွေ့ရှိရသူများအနက် ၉ ဦးမှာ နိုင်ငံတွင်းပြန်လည်ဝင်ရောက်လာသူများဖြစ်ပြီး ကျန် ၇ ဦးမှာ ဒေသတွင်းကူးစက်ခံရခြင်းဖြစ်သည်။ ထိုအရင်ရက်က နိုင်ငံပြင်ပမှဝင်ရောက်လာပြီး ကူးစက်ခံထားရသူ ၁၇ ဦးနှင့် ဒေသတွင်းကူးစက်ခံရသူ ၁၀ ဦး တွေ့ရှိခဲ့သည်။
ရောဂါလက္ခဏာမပြဘဲ ကူးစက်ခံထားရသူမှာ ၄၄ ဦးရှိပြီး ၃ ဦးမှာ နိုင်ငံတွင်းပြန်လည်ဝင်ရောက်လာသူများဖြစ်ကြသည်ဟု ကျန်းမာရေးကော်မရှင်က ထုတ်ပြန်ထားသည်။
ထုတ်ပြန်ချက်တွင် ထပ်မံသေဆုံးမှုကို မဖော်ပြထားပေ။
တရုတ်နိုင်ငံတွင် ဧပြီ ၁၈ အထိစာရင်းအရ ကိုရိုနာဗိုင်းရပ်စ်ကူးစက်ခံရသူ ၈၂ ၇၃၅ ဦးရှိပြီး သေဆုံးသူ ၄ ၆၃၂ ဦးရှိသည်။
