ဗီယက်နမ် ဘောလုံးအဖွဲ့ချုပ်မှ ကြီးမှူးကျင်းပမည့် ဗီယက်နမ် အမျိုးသမီးဖိတ်ခေါ် ယူ-၂၁ ဘောလုံးပြိုင်ပွဲ ဝင်ရောက်ယှဉ်ပြိုင်မည့် မြန်မာ့လက်ရွေးစင် ယူ-၂၀ အမျိုးသမီးအသင်း လူစာရင်း အပြီးသတ်ကစားသမား ၂၁ဦးကို ရွေးချယ်ထုတ်ပြန်လိုက်သည်။
ဗီယက်နမ်ဖိတ်ခေါ် အမျိုးသမီး ဘောလုံးပြိုင်ပွဲကို လာမည့် နိုဝင်ဘာလ ၄ရက်တွင် ဗီယက်နမ်နိုင်ငံ ဟိုချီမင်းမြို့၌ ကျင်းပပြုလုပ်မည် ဖြစ်ပြီး မြန်မာ ယူ-၂၀ အသင်းအပါအဝင် ဗီယက်နမ်ကလပ် ဟိုချီမင်းစီးတီးအသင်း၊ ဖိလစ်ပိုင်ကလပ် FEU အသင်းနှင့် ဟောင်ကောင်လက်ရွေးစင်အသင်းတို့ ပါဝင်ယှဉ်ပြိုင်သွားမည် ဖြစ်သည်။
ဗီယက်နမ် အမျိုးသမီးဖိတ်ခေါ်ပြိုင်ပွဲကို လေးသင်းပတ်လည် စနစ်ဖြင့် ယှဉ်ပြိုင်ကစားရမည် ဖြစ်ပြီး အမှတ်အများဆုံးအသင်းက ို ဗိုလ်စွဲမည် ဖြစ်သည်။ မြန်မာလက်ရွေးစင် အမျိုးသမီး ယူ-၂၀ အသင်းကို နည်းပြချုပ်အဖြစ် ဒေါ်သက်သက်ဝင်းက တာဝန်ယူကိုင်တွယ်သွားမည် ဖြစ်ပြီး နည်းစနစ်အကြံပေးအဖြစ် ဦးအေးမောင်ကြီးနှင့် လက်ထောက်နည်းပြအဖြစ် ဒေါ်စန်းစန်းဝင်းတို့က ဆောင်ရွက်သွားမည် ဖြစ်သည်။
မြန်မာ ယူ-၂၀ အမျိုးသမီးအသင်းကို လက်ရွေးစင်အသင်း၊ ယူ-၁၉ အသင်းနှင့် မြဝတီအမျိုးသမီးကလပ်အသင်းတို့မှ အသက်မီသည့် ကစားသမားများဖြင့် ဖွဲ့စည်းထားခြင်း ဖြစ်သည်။
မြန်မာ ယူ-၂၀ အသင်း၏ ပွဲစဉ်များမှာ နိုဝင်ဘာ ၄ ရက်တွင် ဖိလစ်ပိုင်ကလပ် FEU အသင်း၊ နိုဝင်ဘာ ၆ ရက်တွင် ဟောင်ကောင်လက်ရွေးစင်အသင်းနှင့် နိုဝင်ဘာ ၈ ရက်တွင် ဟိုချီမင်းစီးတီး အသင်းတို့နှင့် ယှဉ်ပြိုင်ကစားရမည် ဖြစ်သည်။
ဗီယက်နမ်ဖိတ်ခေါ်ပြိုင်ပွဲ သွားရောက်ယှဉ်ပြိုင်မည့် မြန်မာ ယူ-၂၀ အမျိုးသမီးအသင်း လူစာရင်း
ဂိုး မေဇင်နွယ်၊ ခင်သီတာအေး၊ ငယ်ငယ်ထွေး
နောက်တန်း ခင်သန်းဝေ၊ ငယ်ငယ်ထွေး၊ ဇင်မာထွန်း၊ ငုဝါသဲ၊ လဲ့လဲ့လိူင်၊ ခင်ပြည့်လင်း၊ အေးအေးမိုး
အလယ်တန်း ရူပါခိုင်၊ မေစံပါယ်ဖူး၊ အိရတနာဖြိုး၊ ခင်မိုမိုထွန်း၊ အေးမျိုးမြတ်၊ သင်းသင်းယု
ရှေ့တန်း ဝင်းသိင်္ဂ ီထွန်း၊မေသူကျော်၊ လှယဉ်ဝင်း၊ နီလာဝင်း၊ ဂျူလိုင်ကျော်
