မိုဂါဒစ်ရှူး၊ ဇန်နဝါရီ ၈ ။ ။ ဆိုမာလီယာနိုင်ငံ မိုဂါဒစ်ရှူးမြို့ ပါလီမန်အဆောက်အအုံနှင့် မလှမ်းမကမ်းရှိ စစ်ဆေးရေးဂိတ်အနီးတွင် ဒီကနေ့ (ဇန်နဝါရီ ၈) တွင် ကားဗုံးဟု ယူဆရသည့် ပေါက်ကွဲမှုတစ်ခုဖြစ်ပွားခဲ့ပြီး အနည်းဆုံး လူ ၄ ဦးသေဆုံးကာ ၁၀ ဦး ဒဏ်ရာရှိခဲ့ကြောင်း သိရသည်။
ထိုပေါက်ကွဲမှုကြောင့် မော်တော်ယာဉ်အများအပြား မီးလောင်ကျွမ်းခဲ့ပြီး ကောင်းကင်ထက်တွင် မီးခိုးလုံးများတက်နေခဲ့သည်။
ကားဗုံးပေါက်ကွဲမှုဖြစ်နိုင်ကြောင်း၊ အသေးစိတ်ကိုမူ မသိရသေးကြောင်း လုံခြုံရေးအရာရှိတစ်ဦးကဆိုသည်။
ပြီးခဲ့သည့် ဒီဇင်ဘာ ၂၈ ကလည်း မိုဂါဒစ်ရှူး၌ အယ်လ်ရှာဘတ်စစ်သွေးကြွများ၏ ကားဗုံးခွဲတိုက်ခိုက်မှုကြောင့် တက္ကသိုလ်ကျောင်းသားများအပါအဝင် အနည်းဆုံးလူ ၈၁ ဦးသေဆုံးခဲ့ပြီး ၁၀၀ ကျော် ဒဏ်ရာရခဲ့သည်။
