ဒီဇင်ဘာ ၁၀။ ။ ချက်သမ္မတနိုင်ငံ အရှေ့မြောက်ပိုင်း အော့စ်ထရာဗာမြို့က ဆေးရုံတစ်ရုံတွင် ဒီဇင်ဘာ ၁၀ ရက်က သေနတ်သမားတစ်ဦး၏ ပစ်ခတ်မှုကြောင့် လူ ခြောက်ဦး သေဆုံးခဲ့ကြောင်း အစိုးရက ပြောသည်။
အဆိုပါ သံသယရှိ သေနတ်သမားသည်လည်း ယင်းပစ်ခတ်မှုကို ကျူးလွန်ပြီးနောက် ၎င်းကိုယ်ကိုယ် ပြန်လည်ပစ်ခတ်ခဲ့သည့်အတွက် သေဆုံးသွားကြောင်း ရဲတပ်ဖွဲ့က ပြောသည်။
“ ကျွန်တော်တို့ သေနတ်သမားကို တွေ့ထားပြီးပါပြီ၊ အသက် ၄၂ နှစ်အရွယ် ဒီအမျိုးသားဟာ ရဲတွေ မရောက်ခင် သူကိုယ်သူ ပြန်ပစ်ပြီး အဆုံးစီရင်သွားတာပါ” ဟု ချက် ရဲတပ်ဖွဲ့က ပြောသည်။
ယခု တိုက်ခိုက်မှုသည် ယင်းနိုင်ငံတွင် အဆိုးဝါးဆုံး သေနတ်ပစ်ခတ်မှုတစ်ခု ဖြစ်လာခဲ့သည်။
အဆိုပါ သေနတ်ပစ်ခတ်မှုသည် အော့စ်ထရာဗာမြို့ တက္ကသိုလ် ဆေးရုံတွင် ဒေသစံတော်ချိန် မနက် ၇ နာရီခန့်က ဖြစ်ပွားခဲ့ခြင်းဖြစ်ကြောင်း ပြည်ထဲရေး ဝန်ကြီး ဂျန် ဟာမာဆက်ခ်က ပြောသည်။
Mizzima Key Campaign မှာ ပါဝင်ဖို့ ဖိတ်ခေါ်လိုက်ပါတယ်။ Visit Our website: http://building.mizzimafoundation.org/
