အီရန်နိုင်ငံ၏ ဖျက်အားပြင်းတာလတ်ဒုံးကျည် စမ်းသပ်ပစ်လွှတ်မှုသည် ကုလသမဂ္ဂ ကန့်သတ်မှုကို ပြောင်ပြောင်တင်းတင်းချိုးဖောက်ခြင်းနှင့် နိုင်ငံတကာကျင့်ဝတ်များကို မလိုက်နာသည့် ပြယုဂ်ဖြစ်သည်ဟု အမေရိကန်ရှုတ်ချသည်။

နျူကလီးယားသယ်ဆောင်စွမ်းသည့် ဒုံးကျည်ကို အီရန်က အောက်တိုဘာ ၁၀ ရက်က ပစ်လွှတ်လိုက်ခြင်ဖြစ်သည်။

ကုလသမဂ္ဂဆိုင်ရာ အမေရိကန်သံအမတ်ကြီး ဆမ်မန်သာပါဝါက အီရန် ဒုံးကျည်စမ်းသပ်မှုအပေါ် အမေရိကန်အနေဖြင့် အလွန်စိုးရိမ်ကြောင်း ပြောခဲ့သည်။

သို့သော်လည်း ယခုဖြစ်ရပ်က အမေရိကန်-အီရန် နျူကလီးယားသဘောတူညီမှုကို လမ်းလွဲစေလိမ့်မဟုတ်ကြောင်း သတင်းထောက်များက ပြောသည်။

ယခုစမ်းသပ်ပစ်လွှတ်မှုသည် ၂၀၁၀ ကုလသမဂ္ဂလုံခြုံရေးကောင်စီပဋိညာဉ်ကို ချိုးဖောက်ရာရောက်ကြောင်း အမေရိကန်က ပြောသည်။ အီရန်နှင့် အဓိကနိုင်ငံကြီးများ နျူကလီးယားအရေး သဘောတူညီမှု ဆွေးနွေးရေး စိတ်နေသဘောထားများကို ဖီလာပြုလာဖွယ်ရှိသည့် လုပ်ရပ်ဖြစ်ကြောင်းလည်း ဆိုသည်။

အီရန်က တာ ၁၇၀၀ ကီလိုမီတာ(၁၀၅၆ မိုင်) ပစ်လွှတ်နိုင်သည့် ဒုံးကျည်အား စမ်းသပ်ပစ်လွှတ်ခဲ့ခြင်းဖြစ်သည်။

Ref: BBC