ဇူလိုင် ၂၁ ။ ။ ထိုင်းနိုင်ငံ အရှေ့ပိုင်း ချွန်ဘူရီပြည်နယ်မှာတော့ နှစ်စဉ်ကျင်းပနေကျ ကျွဲမောင်းပြိုင်ပွဲကို ယခုနှစ်မှာလည်း အစဉ်အလာ မပျက် ကျင်းပခဲ့ပါတယ်။
ယင်း ပြိုင်ပွဲမှာတော့ ထိုင်းတောင်သူတွေဟာ ၎င်းတို့ရဲ့ ကျွဲတွေကို ရွှံ့ထဲနွံထဲမှာ အမြန်ဆုံး ပြေးခိုင်းရတာဖြစ်ပါတယ်။
ဒီပြိုင်ပွဲမှာ နိုင်ဖို့အတွက်ဆိုရင်တော့ ရှေ့ကပြေးတဲ့ ကျွဲတစ်ရှဉ်းအပြင် နောက်ကနေ လိုက်ရတဲ့ လူပါ အပြေးမြန်ဖို့ လိုပါတယ်။
“ အရင်တုန်းကတော့ ကျွဲတွေကို လယ်ထွန်ရာမှာ သုံးခဲ့တာပေါ့၊ ကျွန်တော်တို့ လယ်ထွန်တဲ့ အလုပ်တဲ့ ပြီးတဲ့အခါကျတော့ အပန်းဖြေတဲ့ အနေနဲ့ ဒီ ကျွဲမောင်းပြိုင်ပွဲကို ကျင်းပခဲ့ကြတာပါ၊ အဲဒီနောက်ပိုင်းကစလို့ ဒါက ရိုးရာ ပွဲတစ်ခုလို ဖြစ်နေပါပြီ” ဆိုပြီး ယင်းပြိုင်ပွဲမှာ ပါဝင်ယှဉ်ပြိုင်ခဲ့တဲ့ ကျွဲပိုင်ရှင်တစ်ဦးဖြစ်တဲ့ သာနင် ဆေးတီယူးက ပြောသွားပါတယ်။
