ဇန်နဝါရီ ၂၅ ။ ။ အင်ဒိုနီးရှားနိုင်ငံမှာ ကြုံတွေ့ခဲ့ရတဲ့ ရေလွှမ်းမိုးမှု၊ မြေပြိုမှုတွေကြောင့် သေဆုံးသူ ဦးရေဟာ ၅၉ ဦးထက်မနည်း ရှိသွားပြီလို့ အစိုးရက ဇန်နဝါရီ ၂၅ ရက်မှာ ပြောပါတယ်။
ပြီးခဲဲ့တဲ့ ရက်ပိုင်းက ဆူလာဝေစီ ကျွန်းမှာ မိုးကြီးလေပြင်းကျခဲ့ရာကနေ ယခုလို သဘာဝဘေး ကြုံတွေ့ကာ ဒေသခံ ထောင်နဲ့ချီ နေအိမ်တွေကနေ စွန့်ခွာထွက်ပြေးခဲ့ကြရပါတယ်။
" ဒီလောက် ဆိုးတဲ့ အဖြစ်မျိုး အရင်က တစ်ခါမှ မကြုံခဲ့ဖူးပါဘူး" ဆိုပြီး ဆူလာဝေစီ တောင်ပိုင်း သဘာဝဘေး လျော့ပါးရေး အေဂျင်စီ အကြီးအကဲ ဆိုင်ယမ်စီဘား က ပြောပါတယ်။
ယခုထက်ထိ လူ ၂၅ ဦးလောက် ပျောက်ဆုံးနေဆဲလို့လည်း ၎င်းက ဆိုပါတယ်။
ရက်ပိုင်းအတွင်း မိုးသည်းထန်ခြင်း၊ မြစ်ရေလျှံတက်ခြင်း တို့ကြောင့် ဆူလာဝေစီ တောင်ပိုင်းက ဒေသ ၁၁ ခုမှာ ရေလွှမ်းမိုးမှုတွေ ဖြစ်ခဲ့ပါတယ်။
လက်ရှိအချိန်မှာတော့ ရေပြန်ကျသွားပြီ ဖြစ်ပေမယ့် ယခု သဘာဝဘေးကြောင့် ရုံး၊ ကျောင်း၊ နေအိမ် အများအပြား ပျက်စီးခဲ့ရတယ်လို့ အာဏာပိုင်တွေက ပြောသွားခဲ့ပါတယ်။
