နိုဝင်ဘာ ၁၂ ။ ။ ကမ္ဘောဒီးယားတို့ ဆောက်လုပ်ခဲ့တဲ့ အရှည် ၈၇ ဒသမ ၃ မီတာရှိ သစ်သား နဂါးလှေတစ်စင်းကတော့ ယခုအခါ ကမ္ဘာ့အရှည်လျားဆုံး နဂါးလှေအဖြစ် ဂင်းနစ် ကမ္ဘာ့စံချိန်တင်လိုက်နိုင်တယ်လို့ သိရပါတယ်။
ယခင်က ကမ္ဘာ့အရှည်လျားဆုံးအဖြစ် စံချိန်တင်ထားနိုင်ခဲ့တဲ့ ၂၀၁၆ ခုနှစ်က တရုတ်တို့ တည်ဆောက်ခဲ့တဲ့ နဂါးလှေကိုတော့ ယခု ကမ္ဘောဒီးယားတို့က ဖြတ်ကျော်နိုင်ခဲ့တာ ဖြစ်ပါတယ်။
ဒီ နဂါးလှေကတော့ အရှည် ၈၇ ဒသမ ၃ မီတာ ရှိပြီး လှော်ခတ်သူ ၁၇၉ ယောက် ရှိမှာဖြစ်ပါတယ်၊ ကျွန်တော်က နောက်ဆုံးတစ်ယောက်ပေါ့ ဆိုပြီး လှော်ခတ်သူတစ်ဦးဖြစ်တဲ့ ဆမ် ဆီးက ပြောပါတယ်။
ကမ္ဘာမှာတော့ ကျွန်တော်တို့ နဂါးလှေက အရှည်အားဖြင့် နံပါတ်တစ်ပေါ့၊ ခုဆိုရင် ကမ္ဘာ့အရှည်ဆုံး နဂါးလှေအနေနဲ့ ကျွန်တော်တို့ စံချိန်ချိုးလိုက်နိုင်ပါပြီ ဆိုပြီး ၎င်းက ပြောသွားပါတယ်။
