စီးပွားရေးနှေးကွေးစဉ် ဂျာကာတာတွင် အလုပ်သမားထောင်ပေါင်းများစွာ ဆန္ဒပြ

စီးပွားရေးနှေးကွေးစဉ် ဂျာကာတာတွင် အလုပ်သမားထောင်ပေါင်းများစွာ ဆန္ဒပြ

ဂျာကာတာ၊ စက်တင်ဘာ ။           ။ ငါးနှစ်အတွင်း အနှေးကွေးဆုံး စီးပွားရေးတိုးတက်မှုနှင့် အင်ဒိုနီးရှား ရင်ဆိုင်နေရစဉ် ထောင်ပေါင်းများစွာသော အလုပ်သမားများသည် မြို့တော် ဂျာကာတာရှိ လမ်းများပေါ်ထွက် ဆန္ဒပြကာ အခြားအရာများထက် အလုပ်အကိုင်လုံခြုံရေးကို တောင်းဆိုခဲ့ကြသည်။

အလုပ်သမားသမဂ္ဂများဦးဆောင်သော ဆန္ဒပြအလုပ်သမားများသည် အမျိုးသားအထိမ်းအမှတ်ဆောက်အအုံမှ  သမ္မတနန်းတော်သို့ ချီတက်ခဲ့သည်။ နန်းတော်တွင် သမ္မတဂျို ဝီဒိုဒိုသည် အိုင်အမ်အက်ဖ် အကြီးအကဲ ခရစ္စတင်းလာဂါ့ဒ်နှင့် တွေ့ဆုံခဲ့သည်။ ဆန့်ကျင်ဆန္ဒပြမှုများ ငြိမ်းချမ်းမှုရှိရေးအတွက် တပ်ဖွဲ့ဝင် ၈,၀၀၀ခန့်ကို ရဲတပ်ဖွဲ့က ချထားခဲ့သည်။

အလုပ်သမားသမဂ္ဂတို့က အချက် ကိုးချက်ပါ တောင်းဆိုချက်တစ်ခုကို တင်ပြခဲ့ပြီး တောင်းဆိုချက်များတွင် အလုပ်အကိုင်လုံခြုံမှုရှိရေး၊ ပြည်ပလုပ်သားများခွင့်မပြုရေးနှင့် အဓိကကုန်ပစ္စည်း များဈေးနှုန်းလျှော့ ချရေးတို့ ပါဝင်သည်။ အထည်ချုပ်နှင့် ဖိနပ်ကဲ့သို့ လုပ်အားကဲ စက်မှုလုပ်ငန်းများမှာ စီးပွားရေးကျဆင်းမှုဒဏ်ကို အဆိုးဆုံးခံနေရပြီး မကြာသေးမီလများအတွင်း အလုပ်သမားထောင်ပေါင်းများစွာမှာ အလုပ် မှဖယ်ရှားခံခဲ့ရသည်။

ဇူလိုင်လက ငွေဖောင်းပွနှုန်းမှာ ၇ဒသမ၆ရာခိုင်နှုန်းအထိရောက်ရှိခဲ့ရာ အစားအသောက်ဈေးနှုန်းများကြီးမြင့်မှုဒဏ်ကို အလုပ်သမားများခံစားခဲ့ရသည်။ အရှေ့တောင်အာရှ၏ အကြီးဆုံးစီးပွားရေး အင်ဒိုနီးရှားမှာ ယခုနှစ်အစကတည်းက အမေရိကန်ဒေါ်လာနှင့် ယှဉ်ပါက ရူပီးယားတန်ဘိုးမှာ ၁၄ရာခိုင်နှုန်း ဆုံးရှုံးကာ အားနည်းလာခဲ့မှုကြောင့် စီးပွားရေးထိခိုက်ခဲ့သည်။

ဂျိုကိုဝီအစိုးရသည် စီးပွားရေးနှေးကွေးမှုကို ကိုင်တွယ်ရန် မကြာခင် စီးပွားရေးလှုံ့ဆော်မှုအစီအစဉ်တစ်ခုကို ကြေညာလိမ့်မည်ဟု မျှော်လင့်ရသည်။

Mizzima Weekly