ဘာစီလိုနာအသင်း ပြင်သစ်တိုက်စစ်မှူး အူစမာနီ ဒမ်ဘီလီနှင့် ဘယ်လ်ဂျီယံ နောက်ခံလူ ဗာမယ်လန်းတို့ဟာ ၎င်းတို့ရဲ့ ဒဏ်ရာပြဿနာတွေမှ ပြန်လည်ပျောက်ကင်းလာပြီးနောက် ကြာသပတေးနေ့က အသင်းနဲ့အတူ လေ့ကျင့်ခန်းဆင်းခဲ့တယ်လို့ သိရပါတယ်။
ဗာမယ်လန်းဟာ ဘာစီလိုနာက ဘက်တစ်ကို (၅-ဝ)ဂိုးနဲ့ အနိုင်ရဲ့တဲ့ပွဲမှာ တံကောက်ကြောဒဏ်ရာရရှိခဲ့ပြီး (၃)ပတ်ကြာ အနားယူခဲ့ရတာဖြစ်ပါတယ်။
ဒမ်ဘီလီကတော့ ဒီတပတ် တနင်္လာနေ့က အစာအိမ်ပြဿနာကြောင့် အသင်းရဲ့ လေ့ကျင့်ခန်းအစီအစဉ်ကို လွှဲချော်ခဲ့ပြီးနောက် ယခုအခါ အဆိုပါပြဿနာမှ ပျောက်ကင်းလာပြီဖြစ်ပါတယ်။
ဘာစီလိုနာအသင်းဟာ ချန်ပီယံလိဂ် ရှုံးထွက် (၁၆)သင်းအဆင့် ပထမအကျော့ပွဲစဉ်အဖြစ် ချယ်လ်ဆီးအသင်းနဲ့ မကစားခင် စနေနေ့မှာ လာလီဂါမှာ အီဘာအသင်းနဲ့ ကစားရမှာဖြစ်ပါတယ်။
(EFE-EPA)