NEWS FLASH:  ဒေါက်တာညိုညိုသင်း၏ တိုင်ကြားစာအပေါ် အရေးယူရန်မရှိဟု အဂတိကော်မရှင် ဆုံးဖြတ်

YOPE ရုပ်/သံ Mizzima English

အီဂျစ်မက်ဆီကိုခေါ်ရန် ရီးယဲလ်ဥက္ကဋ္ဌ ပီရက်ဇ် လျှို့ဝှက် ကြံစည်နေ

.

 

ဒီဇင်ဘာ ၁၂၊ စပိန် ။        ။ ရီးယဲလ်အသင်းဥက္ကဋ္ဌ ဖလောရင်တီနိုပီရက်ဇ်သည် လီဗာပူးလ်အသင်းအတွက် ခြေစွမ်းပြကစားလျက်ရှိသည့် အီဂျစ်တိုက်စစ်မှူး မိုဟာမက်ဆာလက်ကို ခေါ်ယူရန် လျှို့ဝှက် ကြံစည်နေသည်ဟု သတင်းများ ထွက်ပေါ်နေသည်။

ရိုးမားအသင်းမှ လီဗာပူးလ်အသင်းသို့ ပြောင်းရွှေ့ကြေးပေါင် ၃၉ သန်းဖြင့် ရောက်ရှိလာခဲ့သည့် ဆာလက်မှာ ခြောက်လအတွင်း ပွဲစဉ် ၂၄ ပွဲ ကစားခဲ့ရာတွင် ၁၉ ဂိုးသွင်းယူပေးထားသည်။ ဆာလက်သွင်းယူထားသည့် ဂိုးအရေအတွက်မှာ ရီးယဲလ်တိုက်စစ်မှူးများဖြစ်သည့် စီရော်နယ်ဒိုနှင့်ဘန်ဇီမာတို့၏သွင်းဂိုးအရေအတွက်ထက်ပိုများလျက်ရှိသည်။

ရီးယဲလ်ဥက္ကဋ္ဌပီရက်ဇ်က နည်းပြဇီဒန်း၏အသင်း ဂိုးသွင်းနှုန်းပိုကောင်းလာစေရန် ဆာလက်အား ဗက်ဇ်ကွက်ဇ်ကို အလိုက်ပေးကာ ခေါ်ရန် ပြင်ဆင်နေခြင်း ဖြစ်သည်။ အသက် ၂၆ နှစ်အရွယ်ရှိ ရီးယဲလ်တောင်ပံကစားသမား ဗက်ဇ်ကွက်ဇ်မှာ ယခုနှစ်ရာသီတွင် လာလီဂါပွဲစဉ် ၁၃ ပွဲပါဝင်ကစားခွင့်ရထားသော်လည်း ၈ ပွဲမှာ လူစားလဲပါဝင်ခွင့်ရထားသူ ဖြစ်သည်။

အီဂျစ်နည်းပြ ဟက်တာကူးပါးကလည်း ရီးယဲလ်အသင်းအနေဖြင့် ဆာလက်ကို ခေါ်ယူရန် ကြိုးပမ်းလာလိမ့်မည်ဟု အစောပိုင်းကတည်းက ပြောဆိုထားခဲ့ဖူးသည်။

အီဂျစ်မက်ဆီဟု နာမည်ကြီးလာသည့် ဆာလက်မှာ လီဗာပူးလ်အသင်းအတွက် ခြေစွမ်းပြကစားနိုင်သလို အီဂျစ်အသင်းအား ကမ္ဘာ့ဖလားပြိုင်ပွဲဆီ ပို့ဆောင်ပေးနိုင်ခဲ့သောကြောင့် ဘီဘီစီ၏ အာဖရိကတစ်နှစ်တာအကောင်းဆုံးဆုကို ရရှိထားသည်။

ရည်ညွှန်း ဒေးလီးမေးလ်