အမျိုးသားလုံခြုံရေးကို ကာကွယ်နေကြောင်း အမျိုးသားနေ့တွင် ဒီချုပ် ကြေညာ

.

ဓာတ်ပုံ - သူရ/ မဇ္ဈိမ

ရန်ကုန် နိုဝင်ဘာ ၁၃ ။                ။ မြန်မာနိုင်ငံ၏ အမျိုးသားအမှတ်သရုပ်နှင့် အမျိုးသားဂုဏ်သိက္ခာကိုလည်းကောင်း၊ အမျိုးသားလုံခြုံရေးနှင့် အချုပ်အခြာအာဏာ တည်တံ့ခိုင်မြဲရေးကိုလည်းကောင်း ရုန်းကန်ကာကွယ်လျှက်ရှိကြောင်း ယနေ့ကျရောက်သော အမျိုးသားနေ့တွင် အမျိုးသားဒီမိုကရေစီအဖွဲ့ချုပ်က အသိပေးလိုက်သည်။

အမျိုးသားအောင်ပွဲနေ့ ခေါင်းစဉ်ဖြင့်ကျင်းပသော အမျိုးသားနေ့ အခမ်းအနား သဘာပတိမိန့်ခွန်းတွင် ရခိုင်ပြည်နယ်ပြဿနာနှင့်ပတ်သက်၍လည်း အလေးထား ပြောကြားသွားခဲ့သည်။ လတ်တလော အန္တရယ်ဇုံအတွင်းကျရောက်နေသည့် ရခိုင်ပြည်နယ်မြောက်ပိုင်း ပြဿနာသည်လည်း ပဓါနကျကျဖြေရှင်းရမည့် လုပ်ငန်းစဉ်ဖြစ်သည်ဟု သဘာပတိ ဒေါက်တာမျိုးညွန့်က  ဆိုသည်။

ဒီမိုကရေစီအသွင်ကူးပြောင်းရေးကာလတွင် ကြုံတွေ့ရလေ့ရှိသည့်နိုင်ငံရေးနှင့် စီးပွားရေးအပါအ၀င် ဘက်ပေါင်းစုံ အကျပ်အတည်းများ၊စိန်ခေါ်မှုများကို ပြည်သူနှင့်အတူ မဆုတ်မနစ် ရင်ဆိုင်ဖြေရှင်းလျှက်ရှိကြောင်း ၊အလားတူ ထာဝရငြိမ်းချမ်းရေး ရရှိရေးသည်လည်း အရေးအကြီးဆုံးဖြစ်ကြောင်း သဘာပတိ မိန့်ခွန်းတွင် ထည်သွင်း ပြောကြားသွားခဲ့သည်။

ယနေ့ကျရောက်သောအမျိုးသားနေ့သည် ၇၉ကြိမ်မြောက် အမျိုးသားနေ့ဖြစ်သည်။

၁၉၂၀ ပြည့်နှစ်တွင် ရန်ကုန်တက္ကသိုလ်ကျောင်းသားများက ကိုလိုနီပညာရေးစနစ်ကို ဆန့်ကျင် သပိတ်တိုက်ပွဲ ဆင်နွဲခဲ့သည့် သမိုင်းဝင် အမျိုးသားရေးလှုတ်ရှားမှုနေ့ရက်ကို ဂုဏ်ပြုပြီး တန်ဆောင်မုန်းလပြည့်ကျော် ၁၀ ရက်ကို (အမျိုးသားအောင်ပွဲနေ့ )အမျိုးသားနေ့ အဖြစ် သတ်မှတ်ခဲ့ခြင်းဖြစ်သည်။