အောက်တိုဘာ ၂၄၊ ရန်ကုန်။ ။ ။ မြန်မာယူ ၁၉ အသင်းသည် ၂၀၁၈ အာရှယူ ၁၉ ခြေစစ်ပွဲ အုပ်စု (G) အဖွင့်ပွဲတွင် ဖိလစ်ပိုင်အသင်းကို ၆-၀ ဂိုးဖြင့် ဂိုးပြတ်အနိုင်ရရှိခဲ့ သည်။
မြန်မာအသင်းသည် ပွဲချိန်တစ်လျှောက်လုံး ဖိလစ်ပိုင်အသင်းကို ခြေစွမ်းအသာစီးဖြင့်ကစားခဲ့ပြီး ဂိုးသွင်းခွင့်များစွာလည်း ရရှိခဲ့သည်။
မြန်မာအသင်းအတွက် ဂိုးများကို ကွင်းလယ်လူမြတ်ကောင်းခန့်က သုံးဂိုး၊အသင်းခေါင်းဆောင် နောက်ခံလူစိုးမိုးကျော်က နှစ်ဂိုးနှင့် ကွင်းလယ်လူ လွင်မိုးအောင်တို့က တစ်ဂိုး သွင်းယူပေးခဲ့ကြသည်။
မြန်မာယူ ၁၉ အသင်းသည် အုပ်စု ဒုတိယပွဲစဉ်အဖြစ် အောက်တိုဘာ ၂၆ ရက်တွင် အိမ်ရှင်ကမ္ဘောဒီးယားအသင်းနှင့် ဆက်လက်ကစားရမည်ဖြစ်သည်။