သြဂုတ် ၃၁ ။ ။ အိန္ဒိယနိုင်ငံ မွမ်ဘိုင်းမြို့မှာ သြဂုတ် ၃၁ ရက်ကပဲ အထပ်မြင့်အဆောက်အဦးတစ်လုံး ပြိုကျသွားခဲ့လို့ အနည်းဆုံး လူရှစ်ဦးသေဆုံးပြီး ၁၄ ဦး ထိခိုက်ဒဏ်ရာရရှိခဲ့တယ်လို့ သိရပါတယ်။
ယခုထက်ထိလည်း အုတ်ပုံအပျက်အစီးတွေအောက်မှာ နောက်ထပ် လူ ၁၀ ယောက်လောက်လည်း ပိမိနေလျက်ရှိတယ်လို့ ယုံကြည်ရကြောင်း ရဲတပ်ဖွဲ့က ပြောပါတယ်။
မွမ်ဘိုင်းမြို့လယ်မှာ ရှိတဲ့ အဆိုပါ အထပ်မြင့်အဆောက်အဦး ပြိုကျမှုဟာ မနက် ၈ နာရီခွဲခန့်က ဖြစ်ပွားခဲ့တာဖြစ်ကြောင်း မွမ်ဘိုင်းမြို့ ရဲအရာရှိ Vikas Sarnaik က ပြောပါတယ်။
ယင်းဧရိယာအတွင်း ကယ်ဆယ်ရေးလုပ်ငန်းတွေကို အားချင်းလုပ်ဆောင်နေရကြောင်း၊ အဆောက်အအုံ မပြိုကျခင် လူဘယ်နှစ်ဦး ရှိနေခဲ့တယ်ဆိုတာကိုလည်း တိတိကျကျ မသိရသေးကြောင်း ၎င်းက ထပ်လောင်းပြောကြားပါတယ်။
ပြီးခဲ့တဲ့ ဇူလိုင်လတုန်းကလည်း မွမ်ဘိုင်းမြို့အရှေ့ပိုင်းမှာ အလားတူပဲ လေးထပ်အဆောက်အအုံတစ်ခု ပြိုကျခဲ့လို ၁၇ ဦး သေဆုံးပြီး ၁၄ ဦး ထိခိုက်ဒဏ်ရာရခဲ့တဲ့ ဖြစ်စဉ်တစ်ခုလည်း ဖြစ်ထားခဲ့ပါသေးတယ်။
