သြဂုတ် ၂၆ ။ ။ ယမန်နေ့ သြဂုတ်လ ၂၅ ရက်ညက မောင်တောမြို့နယ် မြောက်ပိုင်းရှိ လိပ်ရကျေးရွာတွင် လူ ၄ ဦး အသတ်ခံခဲ့ရပြီး ခေတ္တကျေးရွာအုပ်ချုပ်ရေးမှူး၊ ရာအိမ်မှူး၊ ကျေးရွာအုပ်ချုပ်ရေးမှူးရုံးအကူနှင့် အစိုးရ သတင်းပေးဟု သံသယရှိသူတို့ သတ်ဖြတ်ခံခဲ့ရသည်။
သတ်ဖြတ်ခံရသူများမှာ လိပ်ရကျေးရွာ ခေတ္တအုပ်ချုပ်ရေးမှူး ဆွေတာလောင် ၊ရာအိမ်မှူး ဆိုက်ကူလာ ၊ ကျေးရွာအုပ်ချုပ်ရေးမှူးရုံးအကူ ဖော်တာတူလာ နှင့် အစိုးရသတင်းပေးသူဟု သံသယရှိသူ အလယ်သံကျော် ကျေးရွာနေ ဇာဟိတ်တူဆောင်း(ဘ) ဆာလေ (၃၇)နှစ်တို့ ဖြစ်ကြောင်းသိရပြီး ၎င်းတို့အား ဘင်္ဂလီ အကြမ်းဖက်သမားများက သတ်သွားကြောင်း သိရသည်။
ထို့ပြင် လုံခြုံရေးတပ်ဖွဲ့ဝင်များ မိုင်းထောင်ခြင်းများ ပြုလုပ်ခဲ့ပြီး လက်လုပ်မိုင်း၊ လုပ်သေနတ်ဖြင့် ပစ်ခတ်ခြင်းများ ပါ ပြုလုပ်ခဲ့ကြသည်။
ယနေ့ သြဂုတ်လ ၂၆ ရက်၊ နံနက် ၆ နာရီတွင် ဘင်္ဂလီ အကြမ်းဖက်သမားများသည် မြို့သူကြီး ရွာဟောင်းအနီး မောင်တော-ဘူးသီးတောင် ကားလမ်းပေါ်၌ နေအိမ်အတွင်းမှ ကြိုးသွယ်တန်းထား သော မိုင်း ၂ လုံးအား သိမ်းဆည်းရမိခဲ့သည်။ ၎င်းရွာအနီး၌ ဘင်္ဂလီ အကြမ်းဖက်သမားများနှင့် လုံခြံုရေးတပ်ဖွဲ့ဝင်များနှင့် အပြန်အလှန် ပစ်ခတ်မှု ဖြစ်ပွားခဲ့သည်။
ယမန်နေ့ကလည်း လုံခြုံရေးတပ်ဖွဲ့ဝင်များ စီးလာသည့် မော်တော်ယာဉ် ၃ စီးသည် ကားမိုင်းထိခဲ့ပြီး ဘင်္ဂလီအကြမ်းဖက် သမားများနှင့် အပြန်အလှန် ပစ်ခတ်မှုဖြစ်ပွားခဲ့သည်။
ရခိုင်ပြည်နယ် မောင်တောမြို့အနီးပတ်ဝန်းကျင်၌ ယနေ့ သြဂုတ်လ ၂၆ ရက် နေ့လည် အထိ တိုက်ခိုက်မှုများ ဆက်လက်ဖြစ်ပွားနေပြီး အဆိုပါ တိုက်ခိုက်မှုများကို ဘင်္ဂါလီ အကြမ်းဖက်တိုက်ခိုက်သူများဘက်က စတင်တိုက်ခိုက်ခြင်းဖြစ်ပြီး လုံခြံုရေးတပ်ဖွဲ့ဝင်များက ခုခံနေရဆဲသာဖြစ်သည်ဟု မောင်တောမြို့နယ် အမျိုးသားလွှတ်တေ်ာကိုယ်စားလှယ် ဦးကျော်ကျော်ဝင်းက မဇ္ဈိမသို့ ပြောထားသည်။
