ဇူလိုင် ၁၂၊ အီတလီ ။ ။ ဘိုင်ယန်မြူးနစ်အသင်းမှ ဘရာဇီးတောင်ပံကစားသမား ဒေါက်ဂလက်စ်ကော်စတာသည် ဂျူဗင်တပ်စ်အသင်းတွင်ဆေးစစ်မှုများအောင်မြင်သွားခဲ့ပြီဖြစ်သည်။ ထို့ကြောင့် ကော်စတာသည် မကြာမီ တူရင်ကလပ်အသင်းနှင့် စာချုပ် ချုပ်ဆိုတော့မည်ဖြစ်သည်။
ကော်စတာသည် ယနေ့နံနက်ပိုင်းတွင် တူရင်မြို့သို့ရောက်ရှိလာပြီး J-Medical တွင် ဆေးစစ်မှုများပြုလုပ်ခဲ့သည်။
ဂျူဗင်တပ်စ်အသင်းသည် ကော်စတာကို တစ်ရာသီအငှားစာချုပ်ဖြင့် ခေါ်ယူမည်ဖြစ်ပြီး ထို့အတွက် ပေါင် ၆ သန်းပေးချေရမည်ဖြစ်သည်။ ကော်စတာ၏ခြေစွမ်းကိုသဘောကျပြီး ရာသီအကုန်တွင်ခေါ်ယူလိုပါက ပေါင်သန်း ၄၀ပေးချေရမည်ဖြစ်သည်။
ရည်ညွှန်း All football
