ဇူလိုင် ၈ ရက် ။              ။ ဒုက္ခသည်များဆိုင်ရာ ကုလသမဂ္ဂ မဟာမင်းကြီး Filippo Grandi သည် ဝန်ကြီးချုပ်သည်  ထိုင်းဝန်ကြီးချုပ် ပရာယွတ်နှင့် ဇူလိုင်လ ၈ ရက်တွင် တွေ့ဆုံပြီး   မြန်မာဒုက္ခသည်များဆိုင်ရာ ကိစ္စရပ်များအား ဆွေးနွေးခဲ့ကြောင်း သိရသည်။

အထူးသဖြင့် မြို့ပြရှိ ဒုက္ခသည်များနေထိုင်မှုဆိုင်ရာတိုးတက်ရေးများ၊ ဒုက္ခသည်များ လျော့နည်းရေးကိစ္စရပ်များပါ ဆွေးနွေးခဲ့ကြသည်ဟု Filippo Grandi က တွစ်တာတွင် ရေးသားထားသည်။

UNHCR ဒုက္ခသည်များဆိုင်ရာ ကုလသမဂ္ဂ မဟာမင်းကြီး Filippo Grandi သည် မြန်မာနိုင်ငံသို့ ၆ ရက်တာ လာရောက်ခဲ့ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံခဲ့သည်။

၎င်းသည် ရခိုင်ပြည်နယ်၊ မောင်တောဒေသသို့ သွားရောက်ခဲ့ပြီး  ရခိုင်ပြည်နယ် ခရီးစဉ်အတွင်း အမျိုးသမီးအသက်မွေးဝမ်းကြောင်းစက်ချုပ်သင်တန်းများ၊ အမှတ် (၁) နယ်ခြားစောင့်ရဲတပ်ဖွဲ့ စခန်းနှင့် မွတ်စလင်ကျေးရွာများသို့ သွားရောက်ခဲ့သည်။

Mr.Filippo Grandi သည် ထိုင်းနိုင်ငံခရီးစဉ်ပြီးပါက ဘင်္ဂလားဒေ့ရှ်နိုင်ငံသို့ သွားရောက်ရန်ရှိကြောင်း သိရသည်။