ရန်ကုန်၊ဇူလိုင် ၅ ။ ။ အစိုးရက မသန်စွမ်းသူများ၏ အခွင့်အရေးဆိုင်ရာသဘောတူစာချုပ်ကို လက်မှတ်ရေးထိုး ထားသည့်အပေါ် သဘောတူစာချုပ်ပါအချက်များနှင့်ကိုက်ညီစွာ လုပ်ဆောင်ပေးမှုရှိ၊မရှိ မသန်စွမ်း အဖွဲ့ချုပ်ကဦးဆောင်၍ နိုင်ငံအနှံ့အခြေအနေများကိုလေ့လာပြီး ကုလသမဂ္ဂသို့ တင်ပြသွားမည် ဖြစ်သည်။
ထိုသို့တင်ပြရန်အတွက် အစီရင်ခံစာမူကြမ်းအား ပြန်လည်ဆွေးနွေးသည့် အခမ်းအနားကို မြန်မာနိုင်ငံမသန်စွမ်းအဖွဲ့ချုပ်မှဦးဆောင်၍ အရပ်ဖက်အဖွဲ့အစည်းများမှ သက်ဆိုင်သူများ၊ မသန် စွမ်းများ၏ အသံများကို လေ့လာပြီး အောက်မြန်မာနိုင်ငံအတွက် ဆွေးနွေးပွဲကို ယနေ့ ဇူလိုင် ၄ရက် ရန်ကုန်မြို့Central Hotel ၌ ပြုလုပ်ခဲ့သည်။
"ဒီနေ့မှာတော့ အကြမ်းပြုစုထားပြီးသား ပြည်နယ်နှင့်တိုင်းဒေသကြီးတွေမှာမေးထားတာပေါ့ မသန်စွမ်းသူတွေရဲ့ လူနေမှုဘဝအခြေအနေများကို မြန်မာလိုပယာယီရေးထားတဲ့ စာလေးတွေဖတ်ပြ ပြီးတော့မှ သဘောထားမှတ်ချက်တွေရယူမယ်။ ဒီနေ့လိုပဲမန္တလေးမှာ(၇)ရက်နေ့တစ်ခါလုပ်မယ် လုပ်ပြီးရင်ကျွန်တော်တို့ပြန်ရေးကြမယ်ရေးပြီးရင် နောက်ဆုံး တစ်ဆင့်ထပ်ပြီးတော့ချပြမယ်။ ပြီးမှအင်္ဂလိပ်လိုပြင်မယ် အင်္ဂလိပ်လိုတောင်ကိုယ့်ဘာကိုယ်ပြင်လို့မရဘူး ။ နိုင်ငံခြားသားတွေ ကိုယ်တိုင်ဒီစာကိုနားလည်အောင် Editing(တည်းဖြတ်) ပြန်လုပ်မှာပေါ့နော်"ဟု မသန်စွမ်းသူများ အဖွဲ့ချုပ် ဥက္ကဋ္ဌ ဦးအောင်ကိုမြင့်က ပြောသည်။
မြန်မာနိုင်ငံအနေဖြင့် Convention on the Rights of Persons with Disabilities (CRPD) မသန်စွမ်းသူများ၏ အခွင့်အရေးဆိုင်ရာသဘောတူစာချုပ်ကို လက်မှတ်ရေးထိုးထားပြီးဖြစ်သည်။ ထို့ကြောင့် စာချုပ်ပါ စည်းမျဉ်းစည်းကမ်းလုပ်ထုံးလုပ်နည်းများနှင့်ပတ်သတ်၍ လုပ်ဆောင်နိုင်ခြင်းရှိ၊ မရှိခြေအနေအား နိုင်ငံတော်အစိုးရနှင့် အရပ်ဖက်အဖွဲ့အစည်းများက အစီရင်ခံစာကို ကုလသမဂ္ဂသို့ ပြန်တင်ပြရသည်။
"ကျွန်တော်တို့မေးခွန်းတွေရှိတယ် ရခိုင်တို့ စစ်တွေတို့ ပါလာတယ် ဝေးလံတဲ့ဒေသအသီးသီးက ဒါဆိုအောက်(မြန်မာနိုင်ငံ) ဆယ်မြို့နယ်ကဟာပေါ့ တိုင်းနဲ့ပြည်နယ်ဆယ်ခုကဟာပေ့ါ ဝေးလံ ခေါင်ဖျားတဲ့ ရပ်ကွက်ထဲအောက်ခြေအထိသွားပြီးတော့ လူထုရဲ့အသံကိုအိမ်တိုက်တာရောက် တစ်အိမ်တက်ဆင်းကောက်ခံရတာဖြစ်တယ် သူတို့ရဲ့အသံ အခက်အခဲတွေ ရင်ဆိုင်နေရတာတွေ လိုလားချက်တွေ လိုအပ်ချက်တွေ သူတို့ရဲ့အကြံညဏ်တွေ ဒါတွေအားလုံးကို စုစည်းပြီးတော့ ကောက်ခံခဲ့တာဖြစ်တယ်"ဟု မြန်မာနိုင်ငံမသန်စွမ်းသူများအသင်းချုပ်မှ အထွေထွေအတွင်းရေးမှူး ဦးမြတ်သူဝင်း ကဆိုသည်။
ထိုကဲ့သို့ မသန်စွမ်းများ၏ အခွင့်အရေးရရှိမှုများ၊ အခက်အခဲများ၊ လိုအပ်ချက်များနှင့်ပတ် သတ်သည့် အဆိုပါအစီရင်ခံစာ မူကြမ်းအတွက် (၁)နှစ်ကျော်အချိန်ယူခဲ့ရပြီး မသန်စွမ်းအဖွဲ့အစည်း များ ပူးပေါင်းလုပ်ဆောင်ခဲ့ရသည်။
"မြန်မာနိုင်ငံမှာမသန်စွမ်းအခွင့်အရေးတွေတိုးတက်လာလားဆိုတော့ မတိုးတက်ဘူးပြောရင်လည်း အပြုသဘောမဆောင်ရာကျမယ် တိုးတက်လားဆိုရင်တော့တိုးတက်ပါတယ် သို့သော်တိုး တက်သယောင်ပဲရှိသေးတယ် သိသိသာသာထင်ထင်ရှားရှား တိုးတက်လာတာတော့ သိပ်မရှိသေး ဘူးလို့ ပြောရမှာဖြစ်ပါတယ်"ဟု မြန်မာနိုင်ငံမသန်စွမ်းသူများအသင်းချုပ်မှ ဦးမြတ်သူဝင်း ကပြောပြသည်။
ယခုလက်ရှိ သန်းခေါင်စာရင်းစစ်တမ်းများအရ မြန်မာနိုင်ငံတွင် မသန်စွမ်းသူ ၄.၆ရာခိုင်နူန်း တစ်နည်းအားဖြင့် ၂.၃ သန်း ရှိနေသည်။ ၎င်းတို့ထဲ၌ အလုပ်ကိုင်မရရှိသည့် မသန်စွမ်းဦးရေ ၈၅ ရာခိုင်နူန်း မြန်မာနိုင်ငံတွင် ရှိနေသည်။
