ဇူလိုင် ၂ ။ ။ (၄)ကြိမ်မြောက် ဖွင့်လှစ်ခဲ့သည့့် သိန်း၁၀၀၀၀ ဆုကို ပင်လောင်းမြို့မှ စိုက်ပျိုးရေးခြံ လုပ်ကိုင်သူက ကံထူးရရှိခဲ့သည်။
အောင်ဘာလေထီ န ၁၇၅၆၉၆ နံပါတ်ဖြင့် ပင်လောင်းမြို့ ပင်တလဲရွာသား ရေဦးရွာတွင် နေထိုင်သူ ခွန်မိုးသွင်က ကံထူးရှင် ဖြစ်ခဲ့သည်။
"ထီပေါက်တယ်ကြားတော့ ပျော်တာပေါ့ အစ်ကိုရာ၊ ခုတော့ တောင်ကြီးမှာပဲ၊ ဘာဆက်လုပ်မယ်ဆိုတာက အစီအစဉ်မရှိသေးပါဘူး၊ ဆုငွေထုတ်ပြီးမှပဲ အစီအစဉ်တွေ ပြောပြလို့ရနိုင်မယ်လေ၊ လက်ရှိအလုပ်အကိုင်ကတော့ စိုက်ပျိုးရေးခြံလုပ်ငန်းပေါ့၊ အိပ်မက်မက်လို့ ထီထိုးဖြစ်ခဲ့တာပါ" ဟု (၄) ကြိမ်မြောက် သိန်းတစ်သောင်း ကံထူးရှင် ခွန်မိုးသွင် က မဇ္ဈိမသို့ ပြောသည်။
ဇွန်လ ၂၅ ရက် မနက်က ထီဆိုင်ဖွင့်ဖွင့်ခြင်းမှာပင် ထီ ၅စောင်တွဲကို ဆရာမဒေါ်ကြည်ဝင်း သိန်းသိန်းသန်း (လှိုင်းသစ်ဓါတ်ပုံဆိုင် ) ဝင်ရောက်ထိုးခဲ့ ထီထိုးခဲ့ခြင်းဖြစ်ပြီး သိန်းတစ်သောင်းဆုကို ကံထူးခဲ့ခြင်းဖြစ်ကြောင်း သိရသည်။
ဇူလိုင် ၂ ရက်နေ့တွင် ဆရာမဒေါ်ကြည်ဝင်းကိုတွေ့ချိန်မှ သိန်း ၁၀၀၀၀ ဆုပေါက်ကြောင်းသိရှိခဲ့ရကြောင်း သိရသည်။
လက်ရှိတွင် စိုက်ပျိုးရေး ခြံလုပ်ငန်းလုပ်ကိုင်နေရပြီး မိသားစု အခြေအနေ အကျပ်အတည်းအခက်အခဲများဖြင့် ဖြတ်သန်းနေရကြောင်းသိရသည်။
အဆိုပါ ထီဆုငွေထုတ်ယူရန် များမကြာမီရက်ပိုင်း ရန်ကုန်သို့ရောက်ရှိမည် ဖြစ်ပြီး ၃ ကြိမ်မြောက် သိန်း ၁ သောင်းဆုကို ရှမ်းပြည်နယ်၊ ပင်လုံမြို့မှ ဆွတ်ခူးခဲ့သည်။
