ဥရောပသမဂ္ဂ-အကြပ်ရိုက်မှုကိုအခွင့်အလမ်းအဖြစ်ပြောင်းလဲခြင်း

ဥရောပသမဂ္ဂ-အကြပ်ရိုက်မှုကိုအခွင့်အလမ်းအဖြစ်ပြောင်းလဲခြင်း

နှစ်စဉ်မေလ ၉ ရက်နေ့ရောက်တိုင်း ဥရောပသမဂ္ဂသည် ၎င်းပြည်သူလူထုအတွက် လုံခြုံမှု၊တည်ငြိမ်အေးချမ်းမှု၊ စည်လုံးညီညွတ်မှုနှင့်ကြွယ်ဝချမ်းသာမှုဆိုသည့် သမိုင်းတွင် အရှည်ကြာဆုံးသော ငြိမ်းချမ်းရေးဆိုသည့်ကာလ အထိမ်းအမှတ်ကို ကျင်းပလာခဲ့ပါသည်။

ဤလိုအခါသမယရောက်တိုင်း၊ တဖန်များပြားကျယ်ပြန့်လှသော အသေးစိတ်လေ့လာစမ်းစစ်မှုများစွာ ရှိခဲ့သော်ငြားလည်း မျှော်မှန်းချက်ကြီးမားကာပြိုင်စံရှားသော ဥရောပသမဂ္ဂပေါင်းစည်းမှုမှ ရရှိအောင်မြင်မှုများ၊ အခြေခံအချက်များကို ဆက်လက်သတိရရင်း ကြမ်းကြုတ်ရက်စက်မှုများရှိခဲ့သည့် အတိတ်ကအရိပ်ဆိုးများကို ပြတ်သားခိုင်မာစွာမေ့ပျောက်စွန့်လွှတ်၍ ဥရောပပြည်သူလူထုအတွက် ချမ်းသာကြွယ်ဝမှု၊ တည်ငြိမ်အေးချမ်းမှုတို့အတွက်၊ ကမ္ဘာလောကကောင်းကျိုးနှင့် တည်ငြိမ်အေးချမ်းမှုတို့အတွက် အင်အားတစ်ရပ်အဖြစ် ဆက်လက်ရပ်တည်သွားမည်ဖြစ်ပါသည်။

ဤသို့ရရှိအောင်မြင်မှုများကို တစ်ချို့က မနေ့တစ်နေ့ကသတင်းတစ်ရပ်လို ပယ်ချခြင်း၊ ယူနိက်တက်ကင်းဒမ်းထွက် သွားသည့်အတွက် ဥရောပသမဂ္ဂအနေနဲ့ ဘေးကျပ်နံကြပ်ဖြစ်နေပြီဆိုသည့်   ပြောဆိုမှုများရှိနေခဲ့ပါသည်။ ဤတွင် သိပ်ပြီးသတိမရသည့်အချက်မှာ ငါးနိုင်ငံထက်မနည်းသော နိုင်ငံများက ဥရောပသမဂ္ဂသို့ ဝင်ရောက်ချင်နေကြပြီး ၎င်းတို့ဝင်ရောက်နိင်ဖို့အတွက်လည်း လက်ရှိတွင် ညှိနှိုင်းဆွေးနွေးနေကြပါသည်။ အချို့နိုင်ငံများမှာ ညှိနှိုင်းမှုစတင်ဖို့စောင့်စားနေ ကြရသည်ကို ကြည့်ပါက ဥရောပစီမံကိန်းကြီး၏ အားကောင်းလှသည့်ဆွဲဆောင်မှုမှာ ဆက်လက် တည်ရှိနေသည်ကို အတည်ပြုရာရောက်နေပါသည်။

ဥရောပသမဂ္ဂအနေဖြင့် လွန်ခဲ့သည့်ကာလများက စိန်ခေါ်မှုများစွာနှင့်ရင်ဆိုင်နေခဲ့ရပါသည်။ အများစုမှ ဥရောပပြင်ပမှ စတင်ခဲ့သည်များဖြစ်သည်။ ဖြစ်ရပ်တစ်ခုမှာ ကမ္ဘာတစ်ဝှမ်းလုံးကို ရိုက်ခတ်ခဲ့သည့် ၂၀၀၈-၂၀၀၉ ကမ္ဘာ့ဘဏ္ဍာရေးဆိုင်ရာအကြပ်ရိုက်မှုဖြစ်သည်။ ဥရောပသည်လည်း ကမ္ဘာ့တစ်စိတ်တစ်ဒေသဖြစ်သောကြောင့် အထူးအထိနာခဲ့ရပါသည်။ ဥရောပသမဂ္ဂသည် ကမ္ဘာတစ်ဝှမ်းတွင်ပွင့်လင်းမှုအရှိဆုံး စီးပွားရေးမျိုးရှိခြင်းကြောင့် ဥရောပတိုက်သားများအတွက် လူမှုရေးရာကုန်ကျစရိတ်မှာ အထူးများပြားခဲ့ရပါသည်။ တစ်ချိန်တည်းမှာပင် ရာသီဥတုပြောင်းလဲမှု၊ အကြမ်းဖက်မှု၊ ဥရောပအိမ်နီးချင်းနိုင်ငံများတွင် ရန်လိုမှုအပြုအမူများ၊ အလွန်ဆိုးရွားလှသော ဆီးရီးယားစစ်ပွဲတို့ကြောင့် ဒုတိယကမ္ဘာစစ်ပြီးနောက်ပိုင်း ဒုက္ခသည်နှင့်ရွှေ့ပြောင်းနေထိုင်သူ အများဆုံး ရွှေ့ပြောင်းစီးဆင်းစေဖိ့ု တွန်းအားပေးခဲ့သည့်အတွက် ကမ္ဘာ့နေရာအနှံ့အပြားတွင် စိုးရိမ်ပူပန်မှုများဖြစ်ပေါ်စေခဲ့ပါသည်။ ဤအခြေအနေများကြောင့် ဥရောပနှင့်အခြားသောနေရာများတွင် သာမန်လူအများကြိုက်ဝါဒီနှင့် အမျိုးသားရေးဝါဒီတို့၏ လှုံ့ဆော်မှုအရှိန်တက်စေဖို့ အကြောင်းရင်းကောင်းတစ်ခုဖြစ်ခဲ့ပါသည်။ မရေရာမသေချာမှုများနှင့် ရင်ဆိုင်ရသည့်အခါ “လူသန်ကြီး”၏ လက်ကိုထင်ယောင်မြင်ယောင်ယုံမှတ်လိုက်မှုမှာ ပြန်လည်လူကြိုက်များလာခဲ့ပါသည်။ ကျွန်ပ်တို့ယနေ့နေထိုင်နေသော ကမ္ဘာသည် အခြားသောဒေသများမှအမြစ်တွယ်နေသော အရေးအ ခင်းများကြောင့် စိန်ခေါ်မှုများစွာရှိနေခြင်း၊ ပွင့်လင်းစွာဆိုရပါက စိတ်ပူပင်စရာအနည်းငယ်ပင် ကောင်းနေပါသည်။

ဥရောပသည် ကမ္ဘာ့အကြပ်ရိုက်မှုပြဿနာကို အသားတင်နှိုးဆွပေးနေသူမဟုတ်ဘဲ ၎င်း၏ မိတ်ဖက်များနှင့်ပူးပေါင်းကာ ၎င်းပြဿနာများကိုကျော်လွှားဖို့ ကူညီနေခြင်းသာဖြစ်ပါသည်။

အမှန်ကိုရင်ဆိုင်ဝန်ခံရမည်ဆိုပါက ယနေ့ကမ္ဘာ့မည်သည့်ဒေသကမျှ “ကပ်ဘေးကကင်းလွတ်”သည့် ကာလဆို တာမရှိပါပေ။ ဥရောပသမဂ္ဂအဆုံးသတ်မည့်နေ့ကို ဟောကိန်းထုတ်နေကြသည့် ပျက်သုဉ်းရေးဟောကြားသူတို့မှာ ပဓာနကျသည့် အမှန်တရားများကိုမေ့နေကြပါသည်။

ပထမဦးစွာ “အကြပ်ရိုက်မှုCRISIS”ဆိုသော စကားမှာရှေးဂရိဘာသာစကား “Krisis”မှ ဆင်းသက်လာခဲ့ပြီးအစ ကနဦးတွင် ယနေ့ခေတ်လိုမကောင်းသည့် အဓိပ္ပာယ်မရှိခဲ့ပါပေ။ ၎င်းအဓိပ္ပာယ်မျိုးထက် ဆုံးဖြတ်ချက်ချဖို့လိုလာပြီ၊ ဆင်ခြင်ဖို့လိုလာပြီဆိုသည့် အဓိပ္ပာယ်ကို ရည်ညွှန်းခဲ့ခြင်းဖြစ်သည်။ ဒုတိယကမ္ဘာစစ်ကာလမှစတင်၍ ဥရောပသားတို့သည် နောက်ထပ်စစ်ပွဲထပ်မဖြစ်စေရန် စည်းလုံးညီညွတ်မှုကို တိုး၍တည်ဆောက်ခဲ့သည်သာတင်မကဘဲ၊ ဥရောပသမဂ္ဂ၏ တည်ထောင်သူဖခင်ကြီးတစ်ဦးဖြစ်သည့် ရောဘတ်စချူးမန်းမှ အများမှတ်သားဖွယ်ပြောခဲ့သလို “မတွေးဝံ့တာကိုလုပ်ဖို့” ပိုမိုစည်းလုံးခဲ့ကာ ခက်ခဲသောအခြေအနေများကို အတူတကွကိုင်တွယ်ဖြေရှင်းဖို့အစဉ် အမြဲရွေးချယ်ခဲ့ကြသည်။

ဥရောပကို ဘေးကျပ်နံကျပ်ကာလတွေရဲ့ကျောရိုးပေါ်မှာ တောင်တည်ဆောက်ရလိမ့်မယ်ဟူ၍ သူနှင့်သူ့ခေတ်ပြိုင်များက ထင်မြင်ခဲ့ကြပါသည်။ နောက်အောင်မြင်ခဲ့ပါသည်။ ကျွန်ပ်တို့၏သမိုင်းမှာ မည်သည့်အခါကမျှ ဤမျှရှည်လျားလှသည့်ငြိမ်းချမ်းရေးနှင့် အထွေထွေသာယာဝပြောရေးအထူးခံစားခွင့်ကို ဥရောပနိင်ငံများနှင့် ၎င်းပြည်သူတို့မှာရရှိခံစားခဲ့ဖူးခြင်းမရှိပါပေ။

ဒုတိယအချက်အနေဖြင့် ဥရောပသမဂ္ဂသည် ဥရောပနိင်ငံများနှင့် ပြည်သူတို့အကြားငြိမ်းချမ်းမှု၊ လုံခြုံမှု၊ စည်းလုံးညီညွတ်မှုနှင့် ပူးပေါင်းဆောင်ရွက်မှုဆိုင်ရာ ပထမဦးဆုံးစီမံကိန်းဖြစ်ခဲ့ပြီး ထိုသို့ဆက်လက်ဖြစ်နေဦးမည်ဖြစ်သည်။ ပဋိပက္ခများရာစုနှင့်ချီ၍ ကြာမြင့်ခဲ့ပြီးမှ ငြိမ်းချမ်းရေးကို အောင်မြင်စွာတည်ဆောင်နိင်ခဲ့သည့် ကိုယ်ပိုင်သမိုင်းကြောင်းရှိထားခဲ့ခြင်းကြောင့် ကမ္ဘာတစ်ဝှမ်းငြိမ်းချမ်းရေးတည်ဆောက်မှု ပဏာမခြေလှမ်းများအတွက် ဥရောပသမဂ္ဂသည် စိတ်အားတက်စေမည့် အရင်းမြစ်နှင့်အကြံပေးအဖွဲ့တစ်ခု ဖြစ်လာခဲ့ပါသည်။ လက်ရှိကမ္ဘာတစ်ဝှမ်းလုံးတွင် စစ်ဖက် နှင့်အရပ်ဖက်ငြိမ်းချမ်းရေးထိန်းသိမ်းမှုအဖွဲ့ ၁၇ဖွဲ့ကို တပ်ဖြန့်ချထားပါသည်။

မြန်မာနိင်ငံတွင်လက်ရှိယူရို ၈၅သန်း (မြန်မာကျပ်ငွေ ဘီလီယံ၁၂၀)ကျော်သော ဘတ်ဂျက်ကိုအသုံးပြု၍ အောက်ခြေမှစ၊ နိုင်ငံရေးအဆင့်အမြင့်ဆုံးထိရှိသော ငြိမ်းချမ်းရေးဦးဆောင်ခြေလှမ်းများကို ကူညီထောက်ပံ့ခြင်း၊ နိုင်ငံရေးဆွေးနွေးပွဲများ လုပ်ပေးခြင်းဖြင့် ငြိမ်းချမ်းရေးကိုမြှင့်တင်ပေးခဲ့ပါသည်။ ဥရောပသမဂ္ဂအနေဖြင့် ပြည်တွင်းပြည်ပငြိမ်းချမ်းရေးတွက် ဆက်လက်ပါဝင်ဆောင်ရွက်ပေးခဲ့မှုကြောင့် ၂၀၁၂ခုနှစ်အတွက် ငြိမ်းချမ်းရေးနိဘယ်လ်ဆုကိုချီးမြှင့်ခြင်းခံခဲ့ရပါသည်။

တတိယအချက်အနေဖြင့် ဥရောပသမဂ္ဂသည် ကမ္ဘာတွင်အပွင့်လင်းဆုံး၊ လစ်ဘရယ်အဖြစ်ဆုံးသော စီးပွားရေးစနစ်ကိုကျင့်သုံးသည့် အဖွဲ့အစည်းတစ်ခုဖြစ်သည်။ ကမ္ဘာ့လူဦးရေ၏ ၇%သာရှိသော်လည်း ကမ္ဘာ့ GDP ၏၂၃%ကို ကိုယ်စားပြုထားပါသည်။ ဥရောပစီးပွားရေးလုပ်ငန်းများသည် မြင့်မားသောနည်းပညာနှင့် ကျွမ်းကျင်မှု၊ စက်ပစ္စည်းများ၊ ကိရိယာပစ္စည်းများ၊ အကြီးစားစက်မှုလုပ်ငန်းများ၊ တီထွင်ကြံဆမှုနှင့် အစိမ်းရောင်စွမ်းအင်(တာရှည်ခံစွမ်းအင်)တို့တွင် ကမ္ဘာ့ဦးဆောင်သူများဖြစ်ခဲ့ပါသည်။ ဥရောပသမဂ္ဂအမှတ်တံဆိပ်များနှင့် ထုတ်ကုန်တို့မှာသက်ဆိုင်ရာနယ်ပယ်များတွင် ကမ္ဘာ့ဦးဆောင်သူများဖြစ်ခဲ့ပါသည်။

သို့သော် အချို့သောမျှော်မှန်းချက်အကြီးမားဆုံးသော စီမံကိန်းများမှာ ဥရောပနိင်ငံနှင့်ကုမ္ပဏီအတော်များများ ပူးပေါင်းကြိုးပမ်းမှ ဖြစ်နိုင်သည့်စီမံကိန်းများဖြစ်ပါသည်။ Airbus လေယာဉ်များ၊ Galileo (များမကြာမီကပေါ်ထွက်ခဲ့သောဥရောပ၏ GPS နှင့်အလားတူပုံစံ)၊ (သို့) Ariane(ဥရောပအာကာသဒုံးပျံ) တို့ကဲ့သို့သောကုန်ပစ္စည်းများမှာဥရောပနိင်ငံ၊ကုမ္ပဏီအတော်များများပူးပေါင်း ဆောင်ရွက်မှုမှ ထွက်လာခဲ့သောကုန်ပစ္စည်းများဖြစ်သည်။

စတုတ္ထအချက်အနေဖြင့် စီးပွားရေးအပြင်၊ ၎င်းစီးပွားရေးကြောင့်ဟုလည်း ဆိုရမည်လားမသိပါ။

ဥရောပမှာ “လူနေမှုပုံစံနှင့် ယဉ်ကျေးမှုဆိုင်ရာအင်အားကြီးတိုက်ကြီးတစ်ခု”ဖြစ်လာခဲ့ပါသည်။ ကမ္ဘာတွင်သာတူညီမျှအဖြစ်ဆုံး လူ့အဖွဲ့အစည်းများနေထိုင်ရာနေရာဖြစ်ပြီး နိုင်ငံသားတို့အတွက်   မြင့်မားသည့် လူနေမှုစံနှုန်းများနှင့် ထိရောက်သော လူမှုကာကွယ်ရေးများပေးထားပါသည်။ ဥရောပနိင်ငံများသည်မွေးစမှစ၍ အရှည်လျားဆုံးလူနေမှုသက်တမ်းရှိခြင်း၊ ပညာရေးကိုလက်လှမ်းမှီဖို့ အကောင်းဆုံးအခြေအနေများရှိခြင်း၊ တစ်ဦးတစ်ယောက်စီ ပြည်တွင်းအသားတင် ထုတ်လုပ်မှုနှုန်းအမြင့်ဆုံးဖြစ်ခြင်း စသည့် ကမ္ဘာ့စာရင်းတွင် ထိပ်တန်းတွင်ကပ်နေသည့်နိုင်ငံများ ဖြစ်သည်။ ဥရောပမြို့များမှာ ကမ္ဘာတွင်နေပျော်ဖွယ်အကောင်းဆုံးသောမြို့များအဖြစ် စာရင်းဇယားထိပ်တွင် ရပ်တည်နေပါသည်။ ဥရောပ၏ ပူးပေါင်းဆောင်ရွက်မှုနှင့် လွတ်လပ်မှုတို့ကြောင့် သုတေသနပိုမိုဖြစ်ထွန်းကာ နိုင်ငံဖြတ်ကျော်၍ ပညာရေးဆိုင်ရာထူးချွန်ပြောင်မြောက်မှုကို နှိုးဆွပေးနိင်မှုတို့ကြောင့် ကမ္ဘာအနှံ့ဖြစ်ပွားသော ရောဂါများကို ကူညီဖြေရှင်းဖို့ အထောက်အကူလည်းပြုခဲ့ပါသည်။

ပဉ္စမအချက်အနေဖြင့် ဥရောပသမဂ္ဂသည် အဓိက နိုင်ငံတကာတန်ဖိုးများဖြစ်သည့် ဒီမိုကရေစီရေး၊ လူ့အခွင့်အရေး၊ တရားဥပဒေစိုးမိုးမှုတို့ကို ကာကွယ်စောင့်ရှောက်ခြင်းသာမက လူမျိုးရေးခွဲခြားမှု၊ သူစိမ်းကြောက် (နိင်ငံခြားသား ကြောက်)ရောဂါနှင့် ခွဲခြားဆက်ဆံမှုမျိုးစုံတိုက်ဖျက်ရေးစသည်တို့တွင် အဓိကနိင်ငံရေးအရလှုပ်ရှားပါဝင်သူဖြစ်ခဲ့ပါသည်။ ကုလသမဂ္ဂချာတာကို နိုင်ငံများစွာမှ လက်မှတ်ထိုးတာဖြစ်ပေမယ့် ကျွန်ပ်တို့ကတော့လိုက်နာဖို့ အားထုတ်ကြိုးပမ်းသူများဖြစ်ပါသည်။ ရာသီဥတုပြောင်းလဲမှုနှင့်ပတ်သက်၍ အရေးယူဆောင်ရွက်ဖို့ အပြင်းထန်ဆုံးသော လှုံ့ဆော်မှုပြုသူများထဲမှ တစ်ဖွဲ့မှာကျွန်ပ်တို့ဖြစ်ပြီး ၂၀၁၆ခုနှစ်အောက်တိုဘာလ၏ သမိုင်းဝင်ပါရီသဘောတူညီ ချက်ကိုဖြစ်စေခဲ့သည့် ဆွေးနွေးညှိုနှိုင်းမှုများကိုလည်းကျွန်ပ်တို့ဦးဆောင်ခဲ့ပါသည်။

နောက်ဆုံးအနေဖြင့်ကျွန်ပ်တို့၏ အဖွဲ့ဝင်နိုင်ငံများအတွင်း အဓိကကြန်အင်လက္ခဏာဖြစ်သည့် ဥရောပညီညွတ် စည်းလုံးမှုမှာ ကွျွန်ပ်တို့၏နယ်စပ်မျဉ်းပေါ်မှာ တင်ရပ်တန့်မသွားပါ။ ယူရိုငွေ ၇၅ ဘီလီယံ(မြန်မာကျပ်ငွေ ၁၀၀ထရီ လီယံကျော်) ဘတ်ဂျက်ဖြင့် လူမှုစီးပွားရေးဖွံ့ဖြိုးမှုတိုးတက်စေဖို့နှင့် ဆင်းရဲမှုပပျောက်စေဖို့ ဥရောပသမဂ္ဂသည် ကမ္ဘာတစ်ဝှမ်းဖွံ့ဖြိုးမှုအကူအညီနှင့် လူသားချင်းဆိုင်ရာ စာနာထောက်ထားမှု အကူအညီများတွင် အများဆုံးထည့်ဝင်လှူတန်းသူပင်ဖြစ်ပါသည်။ ကမ္ဘာ့ကုလသမဂ္ဂ၏ ငြိမ်းချမ်းရေးထိန်းသိမ်းမှုနှင့် ဖွံ့ဖြိုးမှုအစီအစဉ်များသို့ ထည့်ဝင်လှူဒါန်းမှုကို အခြားသော နိုင်ငံများက ဖြတ်တောက်ထားသော်လည်း၊ ဥရောပသမဂ္ဂအနေဖြင့် ပြည်တွင်းပြည်ပတွင် ငြိမ်းချမ်းရေးနှင့်လုံခြုံရေးကို စောင့်ရှောက်ကာကွယ်ရန် စည်းမျဉ်းအခြေခံသည့် ကမ္ဘာ့ဖွဲ့စည်းပုံမြှင့်တင့်နိင်ဖို့အတွက် အဖွဲ့များစွာ(ဖက်များစွာ) ချိတ်ဆက်ဆောင်ရွက်မှုနှင့် ကုလသမဂ္ဂအဖွဲ့ကြီး၏ အဓိကအရေးပါမှုကို အလေးပေးကာ ၎င်း၏ကမ္ဘာ့မဟာဗျူဟာသစ်တစ်ရပ်ဖြင့် ကမ္ဘာ့နိုင်ငံများဆိုင်ရာ မိသားစုအဖွဲ့ကြီးနှင့် ပူးပေါင်းဆောင်ရွက်ဖို့ ထပ်မံကတိကဝတ်ပြုခဲ့ပါသည်။

ဥရောပသမဂ္ဂ၏ ညီညွတ်မှုမှာ မြန်မာနိင်ငံပြည်သူလူထု၏ လူနေမှုဘဝများအပေါ် အလွန် ထင်သာမြင်သာရှိသော အကျိုးသက်ရောက်မှုလည်းရှိခဲ့ပါသည်။ ယူရိုငွေ ၂ ဘီလီယံ (မြန်မာကျပ်ငွေ၃ထရီလီယံ)နီးပါး ထောက်ပံ့ကြေးများဖြင့် ပညာရေး၊ ရာသီဥတုအကင်းပါးသည့်စိုက်ပျိုးရေး၊ ထိရောက်အကျိုးများသော အုပ်ချုပ်မှုနှင့် တာရှည်ခံငြိမ်းချမ်းရေးစသည့် သက်ရောက်မှုမြင့်မားသည့်နယ်ပယ်များကို အထူးပြုထားသည့် ဥရောပသမဂ္ဂနှင့် ၎င်း၏အဖွဲ့ဝင်နိုင်ငံများမှာ မြန်မာပြည်သူလူထုအတွက် ပိုမိုကောင်းမွန်သောအနာဂတ်အတွက် ရင်းနှီးမြှုပ်နှံပေးမှုပင်ဖြစ်သည်။

မြန်မာနိုင်ငံမှာ ဥရောပသမဂ္ဂဈေးကွက်သို့ ပမာဏကန့်သတ်ချက်(သို့) အခွန်အတားအဆီးများမပါဘဲ လွတ်လွတ်လပ်လပ်နှင့် ပြည့်ပြည့်ဝဝ ဝင်ရောက်နိုင်ပြီဖြစ်ပါသည်။ အဝတ်အထည်ချုပ်လုပ်မှုကဏ္ဍ၊ မျှတစွာသစ်ထုတ်လုပ်မှုဆိုင်ရာ မြင့်မားသောဥရောပစံနှုန်းများကို ပြည့်မီအကောင်အထည်ဖော်နိုင်ဖို့ သစ်လုပ်ငန်းစသည်တို့တွင် မြန်မာကုမ္ပဏီများနှင့် ပူးပေါင်းဆောင်ရွက်ကာ ၎င်းတို့အနေဖြင့် လူဦးရေသန်း၅၀၀ကျော်ရှိသည့် ဥရောပဈေးကွက်တွင်ဝင် ရောက်ယှဉ်ပြိုင်၍ရကြမည်ဖြစ်သည်။

တရုတ်ဘာသာစကားတွင် “အကြပ်ရိုက်မှုCrisis”ကို “အန္တရာယ်” နှင့် “အခွင့်အလမ်း”စသည့်စာလုံးသင်္ကေတ နှစ်ခုပေါင်းစပ်မှုဖြင့် ပြသောကြောင့် ဘေးဆိုးအန္တရာယ်ကိုရင်ဆိုင်၍ ကျော်လွှားမှသာ မိမိအတွက်ပိုမိုကြံ့ခိုင်အား ကောင်းမည်ဆိုသည်ကို ပြသခြင်းဖြစ်သည်။ ဥရောပသားများအနေဖြင့် တွေ့ကြုံနေရသည့်အန္တရာယ်များကို သမဂ္ဂကြီးအနေဖြင့် ထိပ်တိုက်ရင်ဆိုင်ကာ အခွင့်အလမ်းများကို အကောင်းဆုံးအသုံးချနိုင်မည်ဟု မျှော်လင့်ထားကြပါသည်။ တစ်ခါတစ်ရံတွင် ကျွန်ပ်တို့ဘယ်လောက်ကံကောင်းသည်ဆိုတာကို သဘောပေါက်အောင်အခြားသူ များကကူညီပြောပြဖို့လိုအပ်ပါသည်။

“ဥရောပသမဂ္ဂတစ်ခုတည်းမှာ တငနိုင်ငံပေါင်း၂၈နိင်ငံ၊ ဘာသာစကား ပေါင်း၂၄မျိုးနဲ့ လူဦးရေ သန်း၅၀၀ကျော်၊ ၁၉နိင်ငံကဘုံငွေကြေးတစ်ခုတည်း-- ဒီလိုမင်းတို့ရဲ့ရရှိအောင်မြင်မှုဟာ မျက်မှောက်ခေတ်ကာလရဲ့ နိင်ငံရေးစီးပွားရေးဆိုင်ရာ အကြီးမားဆုံးသောရရှိအောင်မြင်မှုတစ်ခုအဖြစ် ဆက်လက်ရှိနေမှာပါ”ဟူ၍ အမေရိကန်သမ္မတအိုဘားမားမှ ထောက်ပြပြောဆိုခဲ့ပါသည်။

အဲတော့ ဒီနေရာမှဘယ်ကိုကျွန်ပ်တို့ဆက်သွားကြပါမည်နည်း? အတိတ်ကအမှောင်ကို လူသားများအနေဖြင့် မေ့ပျောက်ထားပုံရတဲ့အခါ၊ နိုင်ငံရေးစိတ်ကူးယာဉ်လောက၊ နိုင်ငံရေးသဘောတရားတို့ရဲ့နေရာမှာ ရုပ်ဝတ္ထုပစ္စည်းပြည့်စုံမှုနဲ့ နိစ္စဓူဝ ကိုယ်စိတ်ချမ်းသာမှုရှာဖွေခြင်းတို့က အစားထိုးဝင်ရောက်လာတဲ့အခါ၊ အခွင့်အရေးတွေ၊ လွတ်လပ်ခွင့်တွေ၊ လူမှုရေးတိုးတက်မှုတွေနဲ့ သာယာဝပြောမှုတွေဟာရှိကိုရှိရမယ်ဆိုတဲ့ တရားဝင်အခွင့်အရေးတွေမဟုတ်ဘူးဆိုတာ၊ တစ်ခါထုတ်နှုတ်ခံခဲ့ရရင်လည်း ပြန်မရတော့ဘူးဆိုတာမျိုး မရှိဘူးဆိုတာ သတိရကြဖို့ အရေးကြီးပါတယ်။ ဒေသတွင်းနဲ့ ကမ္ဘာလုံးဆိုင်ရာစိန်ခေါ်မှုတွေကို ကမ္ဘာကြီးအနေဖြင့်ရင်ဆိုင်ရတဲ့အခါမှာဥရောပဟာ အခွင့်အရေး၊ တန်ဖိုး၊ လွတ်လပ်ပွင့်လင်းတဲ့ ကမ္ဘာ့အမြင်တွေဘက်က သတ္တိရှိရှိနဲ့ နောက်ဆုံးခံတပ်တစ်ခုအနေမျိုးနဲ့ တစ်ခါတစ်ရံမှာရပ်တည်မှုပြုခဲ့ပါတယ်။

ဒါကြောင့်ရေတိုလွယ်ကူတဲ့ဖြေရှင်းမှုမျိုးတွေထက် ရဲရင့်ပြီး လက်တွေ့ဆန်တဲ့အမြော်အမြင်မျိုးတွေက လွှမ်းမိုးအောင်မြင်နိင်ပါစေ။ အတိတ်ကအမှားမျိုးထပ်မဖြစ်ဖို့ ဆက်လက်ပြီး ကျွန်ပ်တို့သတိရကြပါစေ။ နံရံတွေအစား တံတားတွေတည်ဆောက်ကြပါစို့။ ဥရောပရဲ့ရရှိအောင်မြင်မှုတွေထဲက ကျွန်ပ်တို့ရဲ့ဂုဏ်ကို ပြန်လည်ရှာဖွေကြပါစို့။ အတူတူပူးပေါင်းဆောင်ရွက်ခဲ့လို့ အကောင်းဆုံးစွမ်းဆောင်နိုင်ခဲ့တယ်။ အတူတူလျှောက်ခဲ့ပြီး သီးခြားပြိုလဲခဲ့တယ်။ အတူတကွပဲဥရောပနဲ့ သူ့အလွန်ဟိုးဘက်မှာရှိတဲ့ ဒုက္ခတွေကို အခွင့်အလမ်းအဖြစ် ကျွန်ပ်တို့ဖန်တီးကြမယ်။ ကဲ ..ကျန်တာကတော့ အင်္ကျီလက်ကိုလိပ်တင်ပြီး ကျွန်ပ်တို့ရဲ့ဘုံအနာဂတ်ကို ပြတ်ပြတ်သားသားပုံဖော် ကြပါဖို့ပါပဲ။

Mizzima Weekly