မကွေးတိုင်ဒေသကြီး မင်းလှမြို့နယ် ရေနံမရဲစခန်းအပိုင်နယ်မြေ ဘန့်ပြင်ရွာတောင်ဘက် ၃ဖာလုံခန့့်အကွာ ရေကြည် ချောင်းဘေး သဲသောင်ပြင်ပေါ်တွင် လက်ယက်ရေတွင်းတူးဖော်ရာမှ စစ်ကျန် လေယာဉ်ဗုံးဟုထင်ရသော ဗုံးသီးဟောင်းတစ်လုံးတွေ့ရှိကြောင်း သတင်းရရှိသည်။
ဧပြီ ၂၃ ညနေ ၄နာရီ ခွဲ ခန့်က ဘန့်ပြင်ကျေးရွာ ရာအိမ်မှူး ဦးအုန်းကျော်မြင့် မှချောင်းဘေး သဲသောင်ပြင်၌ လက်ယက်ရေတွင်းတူးဖော်ရာ အရှည် ၂ပေ ၆ လက်မ လုံးပါတ် ၂ပေ ၉ လက်မ အလေးချိန် ၈၀ ပိဿာခန့် ဗုံးသီးဟောင်းတစ်လုံးတွေ့ရှိခဲ့သည်။
ဦးအုန်းကျော်မြင့်မှ ရှမ်းတပ်ရဲကင်း သို့သွားရောက် အကြောင်းကြားသဖြင့် ရဲကင်းမှုး ရဲအုပ် သက်နိုင်ဦး နှင့် အဖွဲ့တို့မှ သွားရောက် စစ်ဆေးသယ်ဆောင်ကာ ကပစ (၂) မလွန်သို့ သွားရောက်အပ်နှံခဲ့ရာ အမျိုး အမည်မသိ စစ်ကျန်လေ ယာဉ်ဗုံးသီးဟောင်း ဖြစ်ကြောင်း ကပစ( ၂ )မလွန်မှအရာရှိတစ်ဦးက ပြောကြောင်း ရေနံမနယ်မြေ ရဲစခန်းမှူးရဲအုပ် မျိုးမင်းထွန်းကပြောသည်။