ရိုးရာအစဉ်အလာမတိမ်ကောစေရန်အတွက် နံ့သာသွေးပွဲများ ပြန်လည်ဖော်ထုတ်ခြင်းဖြစ်

ရိုးရာအစဉ်အလာမတိမ်ကောစေရန်အတွက် နံ့သာသွေးပွဲများ ပြန်လည်ဖော်ထုတ်ခြင်းဖြစ်
ဓါတ်ပုံ- မင်းမျိုးနွယ်/RiA

မြောက်ဦး၊ ဧပြီ ၁၄ ရက်။ မြောက်ဦးမြို့တွင် ယမာန်နေ့က ကျပင်းပပြုလုပ်ခဲ့သည့် ရခိုင်ရိုးရာနံ့သာသွေးပြိုင်ပွဲကို ကျင်းပပြုလုပ်ရခြင်းမှာ ရိုးရာအစဉ်အလာ ဖြင့်ကျင်းပပြုလုပ်ခဲ့သည့် ပွဲတော်များကို မတိမ်ကောစေရန်အတွက် ပြန်လည်ဖော်ထုတ်ခြင်းဖြစ်ကြောင်း ပွဲစီးစဉ်သူများက ဆိုသည်။

အဆိုပါနံ့သာသွေး ပွဲတော်မှာ သင်္ကြန်ကာလသို့ရောက်တိုင်း အစဉ်အလာအရ ကျင်းပပြုလုပ်လာခဲ့သည့် ပွဲတော်တစ်ခု ဖြစ်သော်လည်း ဆယ်စုနှစ်ပေါင်းများစွာ ကျင်းပပြုလုပ်ခွင့်မရရှိခဲ့သည့်ကြသည့်အတွက် ပျေက်ကွယ်လျှက်ရှိနေခဲ့ရာ ယခုအခါ ပြန်လည်ဖော်ထုတ်လာခဲ့ကြခြင်းဖြစ်ကြောင်းသိရသည်။

“န့့ံသာသွေးပွဲကို ကျွန်တော်တို့ရခိုင်မှာ သင်္ကြန်ရောက်တိုင်း ကျင်းပလာခဲ့တာ ဘိုးဘေးစဉ်ဆက်ကတည်းက ပြုလုပ်ခဲ့တာဖြစ်ပါတယ်။ ဒါဟု ရခိုင်တို့ရဲ့ ရိုးရာယဉ်ကျေးမှုတစ်ခုဖြစ်ပါတယ်။ ဒါကြောင့် ဒီအစဉ်အလာကို ထိန်းသိမ်းတဲ့ သဘောနဲ့ကျင်းပနေတာဖြစ်ပါတယ်။”ဟု နံ့သာသွေးပြိုင်ပွဲဖြစ်မြောက်ရေးအဖွဲ့ ဥက္ကဌ ဦးမောင်သာအောင် ကပြောသည်။

ရခိုင်ရိုးရာအစဉ်အလာများဖြစ်သည့် သင်္ကြန်သံချပ်ပြိုင်ပွဲ၊ နံ့သာသွေးပွဲ၊ ရိုးရာရေလောင်းပွဲတော်များကို တစ်ချိန််က ကျင်းပပြုလုပ်ခွင့်မရရှိဘဲ ပိတ်ပင်ခံထားခဲ့ရသည့်အတွက် တချို့လူငယ်များမှာ အစဉ်အလာများကို မသိရှိကြဘဲ ပျောက်ကွယ်စပြုလာနေခဲ့ပြီဖြစ်သည့်အတွက် ပြီးခဲ့သည့် ၂၀၁၃ ခုနှစ်မှစတင်ကာ မြောက်ဦးမြို့တွင် သံချပ်ပြိုင်ပွဲနှင့် နံ့သာသွေးပြိုင်ပွဲများကို ကျင်းပပြုလုပ်ကာ ပြန်လည်ဖော်ထုတ်လာခဲ့ခြင်းဖြစ်ကြောင်းလည်း သိရသည်။

Mizzima Weekly