ပြည်၊  ဧပြီ ရ ။              ။ ပဲခူးတိုင်​း ပြည်​ခရိုင်​ ပြည်​မြို့ နဝင်​း​ချောင်​းကူးတံတား​သစ်​တည်​​ဆောက်​​နေစဉ်​ တံတားဟောင်​းမှ ဖျက်​ထားသည်​့သစ်​များနေ့စဉ်​ရက်​ဆက် အခိုးခံ​နေရ​ကြောင်​း    ​ဒေသခံများက ​ပြောသည်​။

"တံတား​အောက်​က သစ်​​တွေ တွန်​းချပြီး ​လှေနဲ့ ဆွဲလာတာ။​ သစ်​ခွဲဖို့ လာငှားတယ်​။ အဲဒီသစ်​​တွေ ခွဲ​ပေးရင်​  ​ခြောက်​တစ်​နဲ့ ညိမှာဆိုးလို့ လုပ်​မ​ပေးခဲ့ဘူး ။ ​အခု ဘယ်​သူ့ဆီမှာ ဒီ​ကောင်​​တွေခွဲခဲ့လဲမသိ။ ဝက်​ခြံ​တွေ​တောင် ​ရိုက်​ထားတယ်​ "ဟု လွှစက်​ပိုင်​ရှင်​တစ်​ဦးက ​ပြောသည်​။

ပြည်​မြို့၊ နဝင်​းရပ်​ကွက်​ နှင်​့ ဖိုး​ခေါင်​ရပ်​ကွက်​ ကြားရှိ နဝင်​း​ချောင်​းကူးတံတား ကို ၂၀၁၅ ခုနှစ်​ တွင်​ လမ်​းတံတား ဦးစီးဌာနမှတာဝန်​ယူ​ဆောက်​လုပ်​​နေသည်​။ သို့သော်​ ကျန်​သစ်​များကို စနစ်​တကျ စီမံခန့်ခွဲခြင်​း မရှိသည်​့အတွက်​ ​ပျက်​စီး​ပျောက်​ဆုံးခြင်​းများ ဖြစ်​​ပေါ်​နေခြင်​းဖြစ်​သည်​။

"တစ်​ချို့ကုန်​း​ပေါ်က​နေ သယ်​သွားတာ​တွေရှိတယ်​ ။ ​ရေထဲက​နေ ယူသွားတာရှိတယ်​"ဟုလည်​း​ဒေသခံတစ်​ဦးက ဆိုသည်​။

အ​ကြောင်​းအရာကိစ္စ နှင်​့ပတ်​သတ်​ပြီး ပြည်​မြို့နယ်​လမ်​းတံတားဦးစီး အရာရှိ​ဒေါ်​စောသဥ္ဇာမင်​း အားဆက်​သွယ်​​မေးမြန်​းရာ" ဖျက်​ပြီး ပုံထားတာ​ကို အတိုအစ အ​သေး​လေး​တွေ ထင်​း​လောက်​ဆွဲတာဖြစ်​မယ်​ "ဟုဆိုသည်​။

တံတား​ဟောင်​း ဖျက်​ထား​သည်​့သစ်​များကို ဧပြီ ရ ရက်​​ ညပိုင်​း မှစ၍နေရာ​ရွှေ့​ပြောင်​းမည်​ဖြစ်​ပြီး သစ်​တန်​မည်​မျှရှိမည်​ ကို မခန့်​့မှန်​းနိုင်​​သေး​ကြောင်​း ဒေါ်​စောသဥ္ဇာမင်​းက ​ပြောသည်​။

တံတားသစ်​တည်​​ဆောက်​ရာတွင်​လည်​း ​​မြေသားစမ်​းသပ်​ခြင်​းများ အားနည်​းသည်​့ အတွက်​ ချဉ်​းကပ်​လမ်​းများပြိုကျခဲ့ရာ နိုင်​ငံ​တော်​က ​ငွေကျပ်​ သိန်​း ၅၀၀ နီးပါး နစ်​နာဆုံးရှံုးခဲ့ရ​သည်​။