ပဲခူးတိုင်း ပြည်ခရိုင် ပြည်မြို့ နဝဒေး ရပ်ကွက် စက်မှုဇုန် (၂)ရှိ HIGH POWER ဆန်စက်ဝန်းအတွင်း မတ်လ ၂၃ ရက် ည ၉ နာရီ ၄၀ မိနစ်တွင် မီးလောင်ကျွမ်းမှု ဖြစ်ပွားခဲ့သည်။
"ကျနော်တို့ ပြည်တစ်မြို့လုံးက မီးသတ်တွေသွားငြိှမ်းပါတယ်။ နည်းနည်းလေးလောင်တာပါ"ဟု မီးသတ်တပ်ဖွဲ့ဝင်တစ်ဦးက ပြောသည်။
ဆန်စက်ဝန်းအတွင်း တပ်ဆင်အသုံးပြုလျှက်ရှိသော ထရန်စဖော်မာ ပေါက်ကွဲမှု ဖြစ်ရာမှ
သွယ်တန်းထားသော လျှပ်စစ်မီးခုံ ဝါယာရှော့ဖြစ်၍ မီးလောင်ကျွမ်းခဲ့သည်ဟု မီးသတ်ဌာနမှသတင်းထုတ်ပြန်သည်။
မီးလောင်သည့်နေရာသို့ မီးသတ်ကား ၁၄ စီး၊ မီးသတ်တပ်ဖွဲ့ ဝင် ၈၀ ကျော်၊ ရဲ ၁၀ ဦး၊ ပြည်သူ ၂၀၀ ခန့် လာရောက် ငြိှမ်းသတ်ခဲ့ရသည်။
မီးလောင်မှုကြောင့် တန်ဘိုးငွေကျပ် တစ်သောင်းသာ ဆုံးရှုံးခဲ့သည်ဟု မီးသတ်ဦးစီးဌာနက ဆိုထားပြီး ဒဏ်ရာရသူမရှိဟု ထုတ်ပြန်ထားသည်။
မီးလောင်မှုဂနှင့်ပတ်သက်ပြီး HIGH POWER ဆန်စက် ညစောင့် ဦးကျော်ငြိမ်းကို ပြည်မြို့ မြို့မရဲစခန်းတွင် ပြစ်မှု အမှတ် ပ-၅၉/၂၀၁၇ ၊ ပုဒ်မ ၂၈၅ ဖြင့် အမှုဖွင့် အရေးယူထားသည်။