အန်တန်နာနာရီဗို၊ မတ် ၁၀ ။ ။ မဒါဂတ်စကားသမ္မတနိုင်ငံံမှာ ဆိုင်ကလုန်းမုန်တိုင်း အီနာဝိုတိုက်ခိုက်တာကြောင့် လူငါးဦးသေဆုံးရကာ အိမ်များပျက်စီး၍ အိုးအိမ်မဲ့ဖြစ်သူ ပြည်သူအနည်းဆုံး တစ်သောင်းကျော်ရှိပါတယ်။
ကျွန်းနိုင်ငံမဒါဂတ်စကားရဲ့ အရှေ့မြောက်ပိုင်းကနေ မတ် ၈ ရက်မှာ မုန်တိုင်းဝင်ရောက်တာဖြစ်ပြီး တောင်ပိုင်းကို ဦးတည်ရွှေ့လျားသွားချိန်မှာ မုန်တိုင်းအင်အား လျော့နည်းသွားပါတယ်။ မုန်တိုင်းဒဏ်ကြောင့် နေရာဒေသတစ်ချို့မှာ လျှပ်စစ်မီးတွေ ပြတ်တောက်နေကြောင်း ဌာနေမီဒီယာများက သတင်းဖော်ပြပါတယ်။
မြို့တော် အန်တန်နာနာရီဗိုအပါအဝင် နေရာအချို့မှာ ရေကြီးမှုတွေ ဖြစ်နိုင်ကြောင်း သဘာဝဘေးစီမံရေးတာဝန်ရှိသူတွေက သတိပေးထားပါတယ်။
ဆိုင်ကလုန်းဒဏ်သင့် ပြည်သူတွေကို ယာယီစခန်းတွေ၊ ရေနဲ့ အခြားအခြေခံလိုအပ်ချက်တွေကို အစိုးရနဲ့အတူ အကူအညီပေးရေးအဖွဲ့တွေက ပို့ဆောင်ပေးအပ်လျက်ရှိနေပါတယ်။
