ပါကစ္စတန်ရှိ လာဟိုးမြို့တွင်ဖြစ်ပွားခဲ့သောလူ၇ဦးကိုသေဆုံးစေခဲ့ပြီးအများအပြားကိုဒဏ်ရာရထိတ်လန့်စေခဲ့ သည့်ပေါက်ကွဲမှုသည် ကနီးဦးက ရဲများထုတ်ပြန်သလို ဗုံးပေါက်ကွဲခဲ့ခြင်း မဟုတ်ဘဲ ဓာတ်ငွေ့ယိုစိမ့်ခြင်းသာ ဖြစ်သည်ဟု အာဏာပိုင်များက ယနေ့ သောကြာနေ့တွင် ပြောခဲ့သည်။
ခရိုင်မြို့တော် လာဟိုးတွင် ပြီးခဲ့သော ကြာသာပတေးနေ့က ဖြစ်ခဲ့သောပေါက်ကွဲမှုသည် ယခုလအတွင်း ပါကစ္စတန် နိုင်ငံတစ်ဝှမ်းဖြစ်ပွားနေသော အသေခ ံဗုံးဖောက်ခွဲမှုများနှင့် အကြမ်းဖက် တိုက်ခိုက်မှုများကြောင့် စိုးရိမ်မှုများ ကိုပေါ်ပေါက်စေခဲ့သည်။
ကနေဦးကရဲအရာရှိများသည် မြို့အရှေ့ဘက်ခြမ်းရှိတန်ဖိုးကြီးပစ္စည်းများရောင်းချရာနေရာတွင်ဖြစ်ပွားခဲ့သော ပေါက်ကွဲမှုသည်ဗုံးခွဲတိုက်ခိုက်မှုဖြစ်သည်ဟု သတင်းထုတ်ပြန်ခဲ့သော်လည်း ကောလဟာလများနှင့်ခန့်မှန်းချက် များကြားတွင် အာဏာပိုင်များကသူတို့၏တွေ့ရှိချက်များကိုပြန်လည်ပြင်ဆင်ကာ ယနေ့သောကြာနေ့တွင် သတင်းစာရှင်းလင်းပွဲပြုလုပ်ခဲ့သည်။
“မနေ့က ဖြစ်ခဲ့တဲ့ ပေါက်ကွဲမှုဟာ မတော်တဆဖြစ်ရပ်တစ်ခုပါ။ ပေါက်ကွဲစေတတ်တဲ့ ပစ္စည်းတွေနဲ့ အကြမ်းဖက် တိုက်ခိုက်မှုကြောင့် မဟုတ်ပါဘူး” ဟု ပန်ဂျပ်ပြည်နယ် ဥပေဒရေးရာဝန်ကြီး ရာနာဆာနော်လာ က ပြောခဲ့သည်။
“အခင်းဖြစ်ပွားရာ နေရာမှယိုစိမ့်နေခဲ့သော ဓာတ်ငွေ့ဘူးတွေကို တွေ့ရှိခဲ့ရပါတယ်။ ကျနော်တို့ ဒီနေ့မနက်မှာ မှုခင်း အစီရင်ခံစာရရှိခဲ့ပြီး ရလာဒ်များနှင့်ကောက်ချက်ချမှုအရ ပေါက်ကွဲစေတတ်သော ပစ္စည်းများနှင့်ဆက်နွယ်နေ သောအရာဝတ္ထုများကိုမတွေ့ခဲ့ရပါဘူး”ဟု သူက ဆက်လက်ပြောကြားခဲ့သည်။
