ဟယ်ရီပေါ်တာ စာရေးဆရာမ ဂျေကေရိုးလင်းသည် သူမ၏သမ္မတဒေါ်နယ်ထရမ့်အပေါ် ဝေဖန်မှုကြောင့် သူမ၏ စာအုပ်များကို မီးရှို့ဖျက်ဆီးပစ်မည်ဟု ခြိမ်းခြောက်ခဲ့သော တွစ်တာ အသုံးပြုသူများကို တုံ့ပြန်ထိုးနှက်ခဲ့ပါသည်။
ရိုးလင်းသည် ဒေါ်နယ်ထရမ့်၏ ခရီးသွားလာခြင်း ပိတ်ပင်မှုအမိန့်အား တွစ်တာပေါ်တွင် ဝေဖန်ခဲ့မှုကြောင့် သူမ၏ တွစ်တာပေါ်တွင် သူမအားပြန်လည် တုံ့ပြန်သူများ၏ မှတ်ချက်များဖြင့် ပြည့်နှက်နေခဲ့သည်။
သူမ၏မှတ်ချက်အတွက်အချို့ပရိတ်သတ်များကစိတ်ဆိုးဒေါသထွက်ခဲ့ကြပြီး အများစုသည်သူမ၏စာအုပ်များကို မီးရှို့ဖျက်ဆီးပစ်မည်ဟုပြောခဲ့ပြီးအချို့ကလည်းလုပ်ဖို့စီစဉ်နေပြီဟုပြောခဲ့သလို အချို့ပရိတ်သတ်များကတော့ သူမအားနိုင်ငံရေးကိစ္စနှင့်ဝေးဝေးနေရန်အကြံပေးခဲ့ကြသည်။
သို့သော်လည်းရိုးလင်းသည်သူမကိုဝေဖန်သူများအားပြန်လည်သရော်ခြင်းဖြင့်တုံ့ပြန်ခဲ့သည်။
တွစ်တာအသုံးပြုသူတစ်ဦးက “ငါမင်းရဲ့စာအုပ်တွေနဲ့ရုပ်ရှင်ခွေတွေကိုအခုပဲမီးရှို့ပစ်တော့မယ်”ဟုရေးသားခဲ့ပြီး ရိုးလင်းကလည်း “ကောင်းပြီလေ။
ဒီဗွီဒီခွေကိုမီးရှို့ရင်ထွက်တဲ့အခိုးငွေ့တွေကအဆိပ်ရှိတယ်။ဘာပဲဖြစ်ဖြစ်ငါမင်း ဆီကပိုက်ဆံရထားပြီးပြီပဲ။းဒါကြောင့်မီးရှို့မယ်ဆိုရင်ငါ့မီးခြစ်မင်းကိုငှားပါ့မယ်”ဟု ပြန်လည်တုံ့ပြန်ခဲ့သည်။
အခြားတွစ်တာအသုံးပြုသူတစ်ဦးကသူမအား “မင်းကအရွယ်ရောက်ပြီးသားမိန်းမသားတစ်ဦးပါ။မင်းရဲ့အလုပ် အကိုင်ကလူတွေကို ဖားပြုတ်အဖြစ်ပြောင်းတတ်တဲ့ ငကြောင်တစ်ယောက်အကြောင်း ဇာတ်လမ်းရေးတဲ့ အလုပ်ပဲလေ။ ဒါကြောင့်နိုင်ငံရေးနဲ့ခပ်ကင်းကင်းရှင်းရှင်းနေပါ” ဟု ပြောခဲ့သည်။
သို့သော်ရိုးလင်းက “လွတ်လပ်တဲ့တိုင်းပြည်မှာ ဘယ်သူမဆိုနိုင်ငံရေးအကြောင်းလွတ်လပ်စွာပြောဆိုနိုင်ပါတယ်” ဟုတုံ့ပြန်ရေးသားခဲ့ပါသည်။
