ရှမ်းပြည်နယ်မြောက်ပိုင်း၊ သီပေါမြို့ အနောက်မြောက်ဘက်ရှိ မန်လွယ်ကျေးရွာတွင် ဇန်နဝါရီ ၂၁ရက် နံနက်က ကိုယ်ပိုင် လ္ဘက်ခြံအား ရှင်းလင်းစဉ် ဒေသမိုင်း ၁လုံး ပေါက်ကွဲရာမှ အမျိုးသမီးတစ်ဦး သေဆုံးပြီး နှစ်ဦးဒဏ်ရာရခဲ့ကြောင်း နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီက သတင်းထုတ်ပြန်ထားသည်။
မိုင်းပေါက်ကွဲမှုကြောင့် နန်းအေးဦးနှင့် မနန်းအေးနောင့် တို့မှာ ကျောပြင်/ ဝဲခြေထောက် / လက်မောင်း/ ယာနံစောင်း ပေါက်ပြဲ ပွန်းပဲ့ဒဏ်ရာများရရှိခဲ့ပြီး မနန်းဆိုင်ဟွမ် ၁၃ နှစ် မှာ ဝဲလက်မောင်း ပေါက်ပြဲ ဒဏ်ရာများရရှိခဲ့သည်ဟု သိရသည်။
သေဆုံးသူမှာ အသက် ၂၀အရွယ် မနန်းအေးဦးဖြစ်ပြီး သီပေါပြည်သူ့ဆေးရုံသို့ ပို့ဆောင်ကုသစဉ် ထိခိုက်ဒဏ်ရာ ပြင်းထန်သဖြင့် သေဆုံးခဲ့ခြင်းဖြစ်ကြောင်း သိရသည်။ ယင်းအပြင် မနန်းအေးနောင့်ကိုလည်း လားရှိုးပြည်သူ့ဆေး ရုံကြီးသို့ ပြောင်းရွှေ့ ပို့ဆောင်ကုသလျက်ရှိကြောင်း သတင်းထုတ်ပြန်ထားသည်။
