ဇန်နဝါရီ ၃၊ ၂၀၁၇ ။ ။ မောင်တောမြို့နယ်၊ လင်ဘာကုန်းနား ကျေးရွာမှ အရပ်သားတစ်ဦး လည်ပင်းလှီးဖြတ်ဒဏ်ရာများဖြင့် သေဆုံးနေသည်ဟု နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီမှ သတင်းထုတ်ပြန်သည်။
ဆွေဒူအာမီ(၃၀) နှစ်သည် ၂၀၁၆ ခုနှစ် ဒီဇင်ဘာလ ၂၈ ရက် ညနေ ၆ နာရီခန့်တွင် ငါးစားကြူးချောင်းဖက်သို့ ငါးရှာသွားရာမှ ပြန်လည်ရောက်ရှိလာခြင်း မရှိကြောင်း သိရသည်။
၂၀၁၇ ခုနှစ်၊ ဇန်နဝါရီလ ၂ ရက်၊ ညနေ ၃ နာရီခွဲခန့်တွင် ငါးစားကြူးချောင်းထဲတွင် သေဆုံးနေကြောင်း သိရသဖြင့် စစ်ဆေးရာ ငါးစားကြူးချောင်းရေစပ် ရွှံဗွက်ထဲတွင် လည်ပင်း လှီးဖြတ်ဒဏ်ရာဖြင့် မှောက်လျက်သေဆုံးနေကြောင်း တွေ့ရှိခဲ့သည်ဟု သတင်းထုတ်ပြန်သည်။
