ဒီဇင်ဘာ ၁၆ ။ ။ တောင်ကိုရီးယား သမ္မတ ပါ၀င်ပတ်သက်နေခဲ့သည့် အကျင့်ပျက်ခြစားမှု ပြဿနာဖြစ်ပွားပြီးနောက်ပိုင်း နိုင်ငံ၏ အဓိကအာဏာရပါတီမှ ထိပ်တန်းခေါင်းဆောင်များမှာ ၎င်းတို့၏ လက်ရှိ ရာထူးအသီးသီးမှ နှုတ်ထွက်တော့မည်ဖြစ်ကြောင်း ထုတ်ဖော်ကြေညာသွားခဲ့သည်။
လက်ရှိအာဏာရပါတီ ကွန်ဆာတေးဗစ် Saenuri ၏ ဥက္ကဌ လီဂျန်ဟွန်းအပါအဝင် ထိပ်တန်းကောင်စီဝင်အားလုံး လာမည့်သီတင်းပတ်အတွင်း ၎င်းတို့၏ လက်ရှိရာထူးအသီးသီးမှ နှုတ်ထွက်တော့မည် ဖြစ်ကြောင်း မီဒီယာများသို့ ထုတ်ပြန်ပြောကြားသွားသည်။
ယင်းနိုင်ငံတွင် သမ္မတ ပက်ဂွန်းဟေးအား အကျင့်ပျက်ခြစားမှုဖြင့် စွဲချက်တင်ဖော်ထုတ်စစ်ဆေးရန် ပြီးခဲ့သည့် သီတင်းပတ်အတွင်းက ပါလီမန်က ဆုံးဖြတ်အတည်ပြု ပေးထားသည်။
ယင်းအတွက်ကြောင့် သူမ၏ တာဝန်ဝတ္တရားများနှင့် လုပ်ပိုင်ခွင့်အာဏာကို ၀န်ကြီးချုပ်ထံ လွှဲပြောင်းပေးအပ်ခဲ့ရပြီး ခြစားမှုစွဲချက်ကို ကြားနာရတော့မည်ဖြစ်သည်။