မုံရွာ၊ နိုဝင်ဘာ ၁၆ ။ ။ မုံရွာမြို့၊ မုံရွာတောင်ရပ်ကွက်တွင် နိုဝင်ဘာ ၁၆ ရက်က ကုန်တင်ယာဉ်တစ်စီးနှင့် ရထားတိုက်မိရာ ကားပေါ်လိုက်ပါလာသော ယာဉ်နောက်လိုက်မှာ သေဆုံးသွားခဲ့ကြောင်း သိရသည်။
ပခုက္ကူမှမုံရွာသို့ထွက်ခွာလာသော အဆန်ရထား သည် မုံရွာမြို့၊ မုံရွာတောင်ရပ်ကွက် ညောင်ကိုင်းအင်းဖြတ်လမ်းအရောက်တွင် သံလမ်းဖြတ်ကူးလာသော ကားနှင့် တိုက်မိခဲ့ခြင်း ဖြစ်သည်။
အဆိုပါ ယာဉ်တိုက်မှုကြောင့် ကားပေါ်လိုက်ပါလာသူ ယာဉ်နောက်လိုက်မှာ ဆေးရုံပို့ဆောင်စဉ် အသက်သေဆုံးခဲ့ခြင်း ဖြစ်သည်။
