မြိတ်၊ နိုဝင်ဘာ ၁၄ ။ ။ မြိတ်မြို့ ကမ်းနားလမ်းရှိ Sea View ကွန်ဒိုကို လာမည့် ၂၀၁၆ ဒီဇင်ဘာအကုန်၌ စတင်ဆောင်ရွက် သွားမည်ဖြစ်ကြောင်း South Asia International Inverstment Group PTE ကုမ္ပဏီမှ တာဝန်ရှိသူ တရုတ်နိုင်ငံသား တစ်ဦးက ပြောသည်။
“စပြီးဆောက်လုပ်မှာကတော့ ဒီဇင်ဘာအကုန်လောက်ပေါ့ ။ ဒါပေမယ့်် ဆောက်လုပ်မယ့် ပစ္စည်းတွေ သယ်ယူတာမှာ အခက်အခဲကြန့်ကြာတာမျိုးကြောင့် ဇန်နဝါရီအစောပိုင််းလောက်လို့လည်း အကြမ်း ဖျင်းခန့်မှန်းထားတယ်” ဟု ၎င်းက ဆိုသည်။
အဆိုပါ ကွန်ဒိုတွင် အဆောက်အအုံ ၁၂ လုံးပါ၀င်မည်ဖြစ်ပြီး အထပ် ၃၂ ထပ် အနေဖြင့် ၈ လုံး၊ ၂၂ ထပ် ၂ လုံးနဲ့ ၂၈ ထပ် ၂ လုံးတို့ပါ၀င်သည်ဟု သိရသည်။
၎င်းစီမံကိန်းအကျယ် ဧရိယာသည် ၁၁ ဒသ၁မ ၈၇ ဧကဖြစ်ပြီး အဆောက်အအုံအပြီး ဆောက်လုပ်မှုမှာ ၅ နှစ်အတွင်း အပြီးဆောင်ရွက်ရမည်ဖြစ်သော်လည်း မြိတ်မြို့၏ ရာသီဥတု အပေါ်မူတည်ပြီး ကြန့်ကြာမှု အချို့လည်း ရှိနိုင်ကြောင်းလည်း သိရသည်။
လက်ရှိတွင် အဆောက်အုံဆောက်လုပ်မှုနှင့် ပတ်သက်၍ အစိုးရ ခွင့်ပြု ချက်အပြင်် မြိတ်မြို့ သက်ဆိုင်ရာဌာနများ၏ ခွင့်ပြု ချက်များလည်း ရရှိထားပြီဟုလည်း အဆိုပါ တရုတ်နိုင်ငံသားက ဆိုသည်။
အဆောက်အအုံ၏ အခန်းရောင်းချမှုနှင့် ပတ်သက်၍ ၁ ပေပတ်လည်အတွက် စျေးနှုန်းကို အကြမ်းဖျင်း အမေရိကန် ဒေါ်လာ (၁၁၀) ခန့်မှန်းတွက်ချက်ထားပြီီး လက်ရှိတွင် အဆောက်အအုံ (၄)လုံးကို ပထမဦးဆုံး စတင်ဆောက်လုပ်ရန် ရည်ရွယ်ထားကြောင်း သိရသည်။
sea view ကွန်ဒို အဆောက်အအုံနမူနာကို ယခု နို၀င်ဘာ ၄ ရက်က ပြသလျက်ရှိပြီး sea view ကွန်ဒို၏ ပရဟိတအစီ အစဉ်အဖြစ် “ကလေးများကို ကြင်နာပါ၊ မိသားစုကို ဂရုစိုက်ပါ ” MAGIC 3D TRIP အစီအစဉ်တစ်ရပ်ပြသလျက်ရှိပြီး လက်မှတ်ရောင်း ချငွေများကို တိုင်းရင်းသားလူငယ်ဖွံ့ဖြိုးရေး ပရဟိတ(ကျား)ဂေဟာနှင့် ဗုဓ္ဒဘာသာမိဘမဲ့ မိန်းကလေး ဂေဟာသို့ လှူဒါန်းသွားမည်ဖြစ်သည်။