ဆိုးလ်၊ ဇူလိုင် ၁၆ ။ ။ တောင်ကိုရီးယားတွင် ၁၁ရက်ဆက်တိုက် မားစ်ကူးစက်မှုမရှိ၊ ငါးရက်ဆက် တိုက်မားစ်ကြောင့်သေဆုံးမှု မရှိကြောင်းတောင်ကိုရီးယားက ဇူလိုင် ၁၆ တွင် ထုတ်ပြန်သည်။
ယင်းသို့အခြေအနေက မားစ်ဖြစ်ပွားမှုအဆုံးသတ်ရန်နီးကပ်လာပြီဖြစ်ကြောင်း ကျန်းမာရေးနှင့် သာယာဝပြောရေး ဝန်ကြီးဋ္ဌာန ကပြောကြားခဲ့သည်။
ဇူလိုင် ၆ ကတည်းက ကူးစက်ခံရသူ စုစုပေါင်း ၁၈၆ဦးအထိရှိသည်ဟု ဝန်ကြီးဋ္ဌာနကဆိုသည်။ တောင်ကိုရီးယားတွင် မားစ်ကူး စက်ပျံ့နှံ့မှုမှာ မကြာသေးခင်က လျော့ပါးလာခဲ့ပြီး လွန်ခဲ့သည့် ၁၉ ရက်အတွင်း အသစ်ကူးစက်ခံရသူ လေးဦးသာရှိခဲ့သည်။
သြဂုတ်လ အစောပိုင်းလောက်တွင် မားစ်ဖြစ်ပွားမှုအဆုံးသတ်ကြောင်း ကြေညာနိုင်သည်ဟု သိရသည်။ ဇူလိုင် ၁၂ ရက်က တည်းက သေဆုံးသူအရေအတွက်မှာ ၃၆ ဦးဖြစ်ပြီး သေဆုံးမှုနှုန်းမှာ ၁၉ဒသမ၄ရာခိုင်နှုန်းဖြစ်သည်။