နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ရောက်ရှိကာ ကုလသမဂ္ဂ အထွေထွေညီလာခံ ကျင်းပမယ့်အချိန် စက်တင်ဘာ ၁၇ ရက် နှောင်းပိုင်းက နယူယောက်မြို့တွင် ဗုံပေါက်ကွဲမှု ဖြစ်ပွားခဲ့သည်။
လက်ရှိတွင် ဒေါ်အောင်ဆန်းစုကြည်၏ လုံခြုံရေးအတွက် US Secret Service က လုံခြုံရေး အထူး တာဝန်ယူထားပြီး စောင့်ရှောက်နေကြောင်း နိုင်ငံတော်အတိုင်ပင်ခံရုံးပြောရေးဆိုခွင့်ရှိသူ ဦးဇော်ဌေးက ၎င်း၏ လူမှုကွန်ယက်စာမျက်နှာတွင် ရေးသားထားသည်။
"အန္တရာယ် ကင်းရှင်းပါတယ်။ US Secret Service က လုံခြုံရေး အထူး တာဝန်ယူထားပြီး စောင့်ရှောက်နေပါတယ်။" ဟု ၎င်းက ဆိုသည်။
အမေရိကန်နိုင်ငံ နယူးယောက်မြို့ရှိ ချယ်စီးအရပ်တွင် စက်တင်ဘာ ၁၇ ရက်က ပေါက်ကွဲမှုကြောင့် အနည်းဆုံး လူ ၂၉ ဦး ဒဏ်ရာရရှိကြောင်း တာဝန်ရှိသူများက ပြောသည်။
ဒဏ်ရာရသူများမှာ အသက်အန္တရာယ်မစိုးရိမ်ရကြောင်း မီးသတ်ဌာနက ဆိုသည်။