ဟောင်ကောင်၊ စက်တင်ဘာ ၅ ။ ။ ၂၀၁၄ ခုနှစ်က ဒီမိုကရေစီ ဆန္ဒပြပွဲဖြစ်ပွားသည့် ဟောင်ကောင်တွင် ပထမဆုံးအဓိကရွေးကောက်ပွဲအား ကျင်းပပြီးစီးကာ မဲများ စတင် ရေတွက်နေပြီဖြစ်သည်။
၁၉၉၇ ခုနှစ် တရုတ်လက်အောက် ပြန်ရောက်ချိန်မှစကာ ပါဝင်မဲပေးသူအများဆုံးဖြစ်သည့် ရွေးကောက်ပွဲဖြစ်၍ မဲရလဒ်ကြေညာရန် အချိန်ပိုကြန့်ကြာစေသည်။ မဲပေးနိုင်သူ ၃ ဒဿမ ၈ သန်း၏ ၅ ဒဿမ ၈ ရာခိုင်နှုန်း ပါဝင်မဲပေးခြင်းဖြစ်ပြီး ၂၀၀၈ ခုနှစ်က ၄၅ ဒဿမ ၂ ရာခိုင်နှုန်းသာ မဲပေးခဲ့ခြင်းနှင့် နှိုင်းယှဉ်ကြည့်နိုင်သည်။
တရုတ်နှင့် ဆက်ဆံရေးနှင့် ပတ်သက်ပြီး ရပ်တည်ချက်များအားဖြင့် အဓိကပါတီများက ယှဉ်ပြိုင်လျက်ရှိခြင်းဖြစ်သည်။ မဲရုံများ ပြင်ပတွင် ကြီးမားသောလူတန်းကြီးဖြစ်နေကာ မဲရုံများ တရားဝင်ပိတ်ပြီး လေးနာရီနီးပါးကြာသည့်တိုင်အောင် လူတစ်ချို့ မဲမပေးရဘဲ ရှိခဲ့သည်။
ပြည်သူတစ်ချို့က မဲရွေးကောက်ပွဲ မဲပေးမှု စီစဉ်ပုံမှာ ညံ့ဖျင်းသည်ဟု ပြောကြကြောင်း South China Morning Post သတင်းတွင် ဖော်ပြသည်။