စင်ကာပူ၊ စက်တင်ဘာ ၃ ။ ။ စင်ကာပူနိုင်ငံတွင် စက်တင်ဘာ ၂ ရက်၌ ဇီကာဖြစ်ပွားသူ ၃၈ ဦး အသစ်တွေ့ရှိသဖြင့် စုစုပေါင်း ကူးစက်ဖြစ်ပွားသူဦးရေသည် ၁၈၉ ဦးအထိ ရှိသွားပြီဖြစ်သည်။
ကျန်းမာရေးဝန်ကြီးဌာနနှင့် အမျိုးသားပတ်ဝန်းကျင်ထိန်းသိမ်းရေးအေဂျင်စီတို့ ပူးတွဲထုတ်ပြန်ချက်၌ စက်တင်ဘာ ၂ ရက်တွင် ဇီကာဖြစ်ပွားသူ ၃၈ ဦး ထပ်မံတွေ့ရှိကြောင်း ဖောြ်ပသည်။
ရောဂါပိုးမွှားနှိမ်နှင်းဆေးပက်ဖျန်းခြင်းက ဇီကာမပျံ့နှံ့အောင် လျှော့ချမှုအဖြစ် အဓိကလုပ်ငန်းအဖြစ်ရှိနေကြောင်း ယင်အေဂျင်စီက ဖြည့်စွက်ပြောသည်။
အေဂျင်စီအနေဖြင့် အေဒီးစ်ခြင်များ ပေါက်ဖွားရာ ဒေသများတွင် ဆေးဖျန်းခြင်းလုပ်ငန်းစဉ်များကို ဆက်လက်လုပ်ဆောင်လျက်ရှိကြောင်းလည်း ဆိုသည်။
ဇီကာပိုးသည် အေဒီးစ်ခြင်တစ်မျိုးမှတစ်ဆင့် ကူးစက်နိုင်ပြီး ကူးစက်သူတွင် ဖျားနာခြင်းဝေဒနာများခံစားရသည်။ ကိုယ်ဝန်သည်ကူးစက်မှုတွင် မွေးဖွားလာသည့်ကလေးများ၌ ဦးနှောက်မူမှန်ခြင်းနှင့် ဦးခေါင်းသေးငယ်ခြင်းများ ဖြစ်ပွားစေသည်။