သြဂုတ် ၂၉ ။ ။ နိုင်ငံအနောက်မြောက်ပိုင်း တောင်ထူထပ်သော အရပ်ဒေသတွင် ခိုးစိုက်ထားသော ဆေးခြောက်စိုက်ခင်း ကိုးဟက်တာခန့်ကို အင်ဒိုရဲများက ဖျက်ဆီးခဲ့ရသည်ဟု သတင်းတစ်ရပ်တွင် ဖော်ပြသည်။ ယခုတွေ့ရှိဖျက်စီးခဲ့သော စိုက်ခင်းများမှာ ရိတ်သိမ်းရန်ပင် အသင့်ဖြစ်နေသည့် အဆင့်သို့ပင် ရောက်နေခဲ့သည်ဟုလည်း သိရသည်။
ရဲဝန်ထမ်း ဒါဇင်ပေါင်းများစွာမှာ ဆူမားတြားကျွန်း အနောက်မြောက်ပိုင်း တောင်ထူထပ်ရာ အရပ်ဒေသများတွင် ရှာဖွေမှုများ လုပ်ဆောင်ခဲ့ပြီးနောက် မတူညီသော နေရာနှစ်ခုတွင် စိုက်ပျိုးထားသော ဆေးခြောက်စိုက်ခင်းများကို ရှာဖွေတွေ့ရှိခဲ့ခြင်းဖြစ်သည်။
" ပထမတစ်နေရာမှာ တွေ့တဲ့အခင်းက စိုက်ထားတာ သုံးလသက်တမ်းအရွယ်တောင် ရောက်နေပါပြီ၊ အပင်တွေရဲ့အမြင့်က ၁ ဒသမ ၅ မီတာလောက်တောင်ရှိနေပါြ့ပီ၊ ဒုတိယတွေ့တဲ့ အခင်းကျတော့လည်း ခြောက်လသက်တမ်းနဲ့အပင်အမြင့် ၃ မီတာတောင် ရှိနေပါပြီ" ဟု ရဲဌာနပြောခွင့်ရပုဂ္ဂိုလ် ဂိုနာဝမ်က ဆိုသည်။
ရဲများက အပင်တစ်ချို့ကို သက်သေအဖြစ် ယူဆောင်ခဲ့ပြီး ကျန်အခင်းအားလုံးကို မီးရှို့ဖျက်စီးပစ်လိုက်သည်ဟုလည်း သိရသည်။ ယင်းဆေးခြောက်စိုက်ခင်းရှင် မည်သူမည်ဝါဖြစ်သည်ဆိုသည်ကို ရဲများက အသေးစိတ်ထုတ်ပြန်သွားခြင်းမရှိပေ။
