နောက်ဆက်တွဲငလျင်ငယ် လှုပ်ခြင်းမရှိ၍ ပြင်းအား ရ အဆင့်ငလျင်ကြီးတစ်ခု ထပ်လှုပ်နိုင်

နောက်ဆက်တွဲငလျင်ငယ် လှုပ်ခြင်းမရှိ၍ ပြင်းအား ရ အဆင့်ငလျင်ကြီးတစ်ခု ထပ်လှုပ်နိုင်
ဓာတ်ပုံ-AP

မြန်မာနိုင်ငံတွင် သြဂုတ် ၂၄ ရက်က အင်အားရစ်ချ်တာစကေး ၆ ဒဿမ ၈ အဆင့်ရှိ ငလျင်လှုပ်ပြီးနောက် နောက်ဆက်တွဲငလျင်ငယ်များ လှုပ်ခြင်းမရှိ၍ ပြင်းအားအနည်းဆုံး ၇ အဆင့်ရှိ ငလျင်ကြီးတစ်ရပ် မြန်မာနိုင်ငံတွင် ထပ်လှုပ်နိုင်ရာ ထိုင်းနိုင်ငံပါ ယင်းငလျင်ကြီး ဒဏ်ကို ခံစားလာရနိုင်ကြောင်း အကြီးတန်းဘူမိပညာရှင်တစ်ဦးက သတိပေးထားကြောင်း ဘန်ကောက်ပို့စ်သတင်းတွင် ဖော်ပြသည်။

ထိုင်းနိုင်ငံ တွင်းထွက်သတ္ထုသဘာဝရင်းမြစ်ဌာန တာဝန်ရှိသူများက ငလျင်ငယ်များ ဖြစ်ပေါ်နိုင်ကြောင့် သတိပေးထားသည်။ နောက်ဆက်တွဲငလျင်လှုပ်ခြင်း မရှိ၍ ပြင်းအား ၇ အဆင့်ရှိ ငလျင်ဖြစ်ပေါ်နိုင်ကြောင်း ပြတ်ရွှေ့ကြောင်းလှုပ်ရှားမှုဌာန ဥက္ကဌဖြစ်သူ ဆူဝတ်ခိုဆူဝန်က ပြောသည်။

ထိုကဲ့သို့သော ငလျင်ကြီးလှုပ်ပါက ထိုင်းနိုင်ငံလည်း ဒဏ်ခံကြုံတွေ့ရမည်ဖြစ်ကြောင်း ၎င်းက ပြောသည်။

လက်ရှိတွင် သြဂုတ် ၂၄ ရက်က ငလျင်လှုပ်မှုကို ဖြစ်ပေါ်စေခဲ့သော Arakan(အာရကန်)ပြတ်ရွှေ့ကြောကို ထိုဌာနက စောင့်ကြည့်လျက်ရှိနေသည်။ အင်အား ၅ ဒဿမ ၁ မှ ၆ ရစ်ချ်တာစကေးကြား နောက်ဆက်တွဲငလျင်ဖြစ်ပေါ်ပါမှ ယင်းပြတ်ရွှေ့ကြောင်း လှုပ်ရှားမှု ရပ်တန့်မည်ဖြစ်ကြောင်း ဆူဝတ်ခိုဆူဝန်က ပြောသည်။

သြဂုတ် ၂၄ ရက်က ငလျင်ကြီးမလှုပ်မီ ရှေ့ပြေးငလျင်ငယ် သုံးကြိမ်လှုပ်ခဲ့ကြောင်း၊ နောက်ဆက်တွဲငလျင်ငယ် မလှုပ်ခြင်းက ထူးခြားနေကြောင်း ၎င်းက ဆိုသည်။

Mizzima Weekly