နယူးဒေလီ၊ သြဂုတ် ၆ ။ ။ အိန္ဒိယနိုင်ငံ အာသံပြည်နယ်ရှိ လူစည်ကားရာ ဈေးတစ်ဈေးတွင် သေနတ်သမားများ ပစ်ခတ်တိုက်ခိုက်မှုကြောင့် လူ ၁၃ ဦးသေဆုံးကြောင်း တာဝန်ရှိသူများက ပြောသည်။
တိုက်ခိုက်သူများက ဘိုဒိုလန်းအမျိုးသားဒီမိုကရေစီတပ်ဦး NDFB ၏ တပ်ခွဲ သူပုန်များဖြစ်သည်ဟု ရဲဌာန အပြစ်ပြောသည်။
ကိုကရာဂျဟာခရိုင်အတွင်းဖြစ်ပွားသည့် ယင်းတိုက်ခိုက်မှု၌ လုံခြုံရေးတပ်ဖွဲ့များနှင့် အပြန်အလှန်ပစ်ခတ်၍ သူပုန်တစ်ဦးသေဆုံးသည်။
NDFB တပ်ဖွဲ့သည် အာသံပြည်နယ်မှ ဘိုဒိုတိုင်းရင်းသားစုအတွက် လွတ်လပ်ရေးနယ်မြေတောင်းဆိုနေသည့် အဖွဲ့ဖြစ်သည်။
“အရပ်သားတွေ တော်တော်များများ ဒဏ်ရာရကြတယ်။ သူပုန်တွေက သေနတ်အပြင် လက်ပစ်ဗုံးများပါ သုံးပြီး တိုက်ခိုက်ခဲ့တာဖြစ်တယ်။”ဟု အာသံပြည်နယ်ရဲအကြီးအကဲ ဆာဟေးက ဘီဘီစီသို့ ပြောသည်။
