ဇွန် ၉၊ အင်္ဂလန် ။ ။ အမေရိကန် စီးပွားရေးမဂ္ဂဇင်း Forbes ၏ တွက်ချက် ထုတ်ပြန်မှုအရ ရီးယဲလ်မက်ဒရစ်၏ ပေါ်တူဂီတိုက်စစ်မှူး စီရော်နယ်ဒိုသည် ကမ္ဘာ့အချမ်းသာဆုံး အားကစားသမားအဖြစ် ရပ်တည်ခဲ့သည်။
စီရော်နယ်ဒိုသည် ပြီးခဲ့သည့်နှစ်က ဝင်ငွေ ပေါင် ၆၀ ဒသမ ၆ သန်းရရှိခဲ့ပြီး အမေရိကန်လက်ဝှေ့ကျော် ဖလွိုက်မေဝဲလ်သာနှင့် ကမ္ဘာကျော် ဂေါက်သီးအားကစားသမား တိုက်ဂါးဝုဒ်တို့ ၁၆ နှစ်ကြာ လွှမ်းမိုးထားသော နံပါတ်တစ်နေရာကို ရရှိခဲ့ခြင်းဖြစ်သည်။
စီရော်နယ်ဒို၏နောက်တွင် ဘာစီလိုနာတိုက်စစ်မှူး လီယွန်နယ်မက်ဆီက ဝင်ငွေပေါင် ၅၆ သန်းဖြင့် ရှိနေပြီး အမေရိကန်ဘက်စကက်ဘော အကျော်အမော် လီဘရွန်ဂျိမ်းစ်က ပေါင် ၅၃ ဒသမ ၂ သန်းဖြင့် တတိယနေရာတွင် ရည်တည်ခဲ့သည်။ ၎င်းတို့၏နောက်တွင်မှု ဆွစ်ဇာလန်တင်းနစ်သမား ဖက်ဒါးရား၊ NBA ဘက်စကက်ဘောအကျော်အမော် ကီဗင်ဒါရန့်၊ ကမ္ဘာ့နံပါတ်တစ် တင်းနစ်သမား ဂျိုကိုဗစ်တို့ အစဉ်လိုက် ရပ်တည်နေကြသည်။
အသက် ၃၄ နှစ်အရွယ်ရှိပြီဖြစ်သည့် ကမ္ဘာ့နံပါတ်တစ်တင်းနစ်မယ် ဆီရီနာဝီလျံက ဝင်ငွေ ပေါင် ၁၅ သန်းဖြင့် အချမ်းသာဆုံးအမျိုးသမီးအားကစားသမားအဖြစ် ရပ်တည်ခဲ့သည်။
ရည်ညွှန်း သည်ဆန်း
