ကချင်ပြည်နယ် ဖားကန့်ကျောက်စိမ်းတွင်း စွန့်ပစ်မြေစာပုံပြိုကျမှုတွင် သေဆုံးသူပေါင်းက စုစုပေါင်း ၁၃ ဦးရှိသွားပြီး ဒဏ်ရရာသူမှာ လေးဦးရှိကြောင်း ရဲဌာနက မေ ၇ ရက်တွင် ပြောသည်။
ပြီးခဲ့သည့် မေ ၅ ရက်ညက ဆိပ်မူကျေးရွာအုပ်စု စေပေါ့မှော်တွင် တစ်သုံးလုံးကုမ္ပဏီ၏ လုပ်ကွက် အနီးရှိ အမြင့် ပေ ၁၅၀၊ အကျယ် ပေ ၂၀၀ ရှိ မြေစာပုံထိပ်တွင် ရေမဆေးကျောက် ရှာဖွေကြစဉ် မြေပြိုမှုဖြစ်ပွာခဲ့ခြင်းဖြစ်သည်။
လူမှုဖူလုံရေး၊ ကယ်ဆယ်ရေးနှင့် ပြန်လည်နေရာချထားရေးဌာနမှ တာဝန်ရှိသူများက သေဆုံးသူများ၏ မိသားစုများအား ဖြစ်ပွားရာနေရာသို့ ဝင်ခွင့်ပိတ်ထားသည်။
ဖားကန့်ဒေသတွင် ၂၀၁၅ နိုဝင်ဘာလအတွင်း မြေပြိုမှုတစ်ခုတွင် လူပေါင်းအနည်းဆုံး ၁၀၀ သေဆုံးခဲ့သည်။ ၂၀၁၅ ခုနှစ်အတွင်း ယင်းဒေသတွင် မြေပြိုမှုပေါင်း ၄၀ ကျော်ထက်မနည်း ဖြစ်ပွားခဲ့သည်။
