ဆန်းသစ်တဲ့ နည်းပညာတွေနဲ့ အစားအစာထုတ်လုပ်မှု ပုံစံသစ်က သန်းနဲ့ချီတဲ့ အငတ်ဘေးဒုက္ခကြုံနေရမှုကို ဖြေလျှော့စေနိုင်တယ်လို့ ပြီးခဲတဲ့သီတင်းပါတ်က  ဗြိတိန်မှာ ကျင်းပခဲ့တဲ့ ကမ္ဘာလုံးဆိုင်ရာစားနပ်ရိက္ခာ အလုံအလောက် ရှိရေးဆိုင်ရာ ညီလာခံမှာ မှတ်ချက်ပြုခဲ့ကြပါတယ်။ ဝေဖန်ရေးသမားတွေကတော့ ဒီစနစ်ဟာ အစားအစာ ငတ်မွတ်ခေါင်းပါးမှုရဲ့  အဓိကဇာတ်မြစ်ဖြစ်တဲ့ ဆင်းရဲမွဲတေမှုနဲ့ ကြီးထွားလာတဲ့ လူတန်းစားကွာဟမှုတွေကို မျက်ကွယ်ပြုပြီး နည်းပညာတွေအပေါ်ကိုသာ အမီသဟဲပြုပြီး ဖြေရှင်းဖို့ ကြိုးစားနေကြတာဖြစ်တယ်လို့ ဝေဖန်ထောက်ပြနေကြပါတယ်။ Henry Ridgwell လန်ဒန်ကပေးပို့တဲ့ သတင်းကို ကိုစံကျော် တင်ဆက်ထားပါတယ်။