လေးနှစ်နီးပါး ပိတ်ပင်ထားတဲ့ ထောင်ဝင်စာတွေ့ခွင့်ကို စစ်ကောင်စီက မြန်မာနိုင်ငံတဝန်းကအကျဉ်းထောင်တွေမှာ ဒီကနေ့ အောက်တိုဘာလ ၂၄ ရက်နေ့ ကစပြီး ပြန်ခွင့်ပြုပေးလိုက်ပါတယ်။
ထောင်ဝင်စာတွေ့သူတွေအတွက် တင်းကြပ်တဲ့ စည်းကမ်းချက်အသစ်တွေနဲ့ အာဏာသိမ်း စစ်ကောင်စီက ထောင်ဝင်စာတွေ့ခွင့် ပြုလိုက်တာ ဖြစ်ပါတယ်။
စစ်ကောင်စီရဲ့ စည်းကမ်းချက် အသစ်တွေက ထောင်ဝင်စာအလွယ်တကူ တွေ့လို့မရအောင် တားမြစ်ထားတာဖြစ်လို့ ကန့်သတ်ချက်ဖြေလျှော့ပြီး ထောင်ဝင်စာတွေ့ခွင့်ပေးသင့်တယ်လို့ နိုင်ငံရေးအကျဉ်းသားတွေကို ကူညီပေးနေသူတွေက မဇ္ဈိမကို ပြောပါတယ်။
တင်ဆက်၊တည်းဖြတ် - KMN
