စစ်ကောင်စီရဲ့ အတွင်းစည်းဖြစ်တဲ့ တပ်တွေထဲမှာ အကွဲအပြဲတွေ၊ အရှုပ်အထွေးတွေ၊ တိုင်တောမှုတွေ အများကြီး ဖြစ်ပေါ်နေပြီး စစ်ကောင်စီဘက်က ရနိုင်သလောက် ဖုံးဖိနေပေမယ့် တပ်တွင်း ဖရဲသီးတွေကြောင့် သတင်းတွေက လူမှုကွန်ရက်စာမျက်နှာ သတင်းမီဒီယာတွေဆီ စိမ့်ယိုလာတာ တွေ့နေရပါတယ်။
စစ်ကောင်စီခေါင်းဆောင် မင်းအောင်လှိုင်ကိုယ်တိုင်း နိုင်ငံအနှံ့ အောက်ခြေတပ်တွေအထိ ဆင်းပြီး အားပေး စကားပြောတာ၊ တပ်တွင်း စည်းရုံးရေးမပြတ်လုပ်ဖို့၊ တပ်တွင်း သက်သာချောင်ချိရေး ဆိုင်တွေ ရောင်းချပေးဖို့ သတိပေးတာတွေ လုပ်နေရတယ်ဆိုတာ ဒီနှစ်စကတည်းက သတင်းတွေ ထွက်ပေါ်နေပါတယ်။
