လိပ်ကျွန်းလူသတ်မှု အယူခံတစ်လထပ်မံတောင်းဆိုမှု တရားရုံးခွင့်ပြု

.

ချင်းမုိုင်၊ဧပြီ ၂၁ ။              ။ ထုိုင်းနုိုင်ငံ တောင်ပုိုင်း လိပ်ကျွန်းလူသတ်မှုဖြင့် သေဒဏ်ချမှတ်ခံထားရသော မြန်မာနုိုင်ငံသား နှစ်ဦးအမှု အယူခံ နောက်ဆုံး အဖြစ် တစ်လ ထပ်မံ တောင်းဆုိုမှု ထုိုင်းတရားရုံးက နောက်ဆုံးအကြိမ် ခွင့်ပြုလုိုက်သည်။

မြန်မာနုိုင်ငံငံသား ကုိုဇော်လင်းနှင့် ဝင်းဇော်ထွန်းတုို့နှစ်ဦး၏ အမှု အယူခံအတွက် ထုိုင်းရှေ့နေများ ကောင်စီက ထုိုင်းတရားရုံးသုို့ ဧပြီ ၁၉ ရက်က တစ်လ ရက်တုိုးတောင်းဆုိုမှုကုို  ညနေပုိုင်းတွင် ထုိုင်းအစိုးရဘက်မှ ခွင့်ပြုလုိုက်ခြင်း ဖြစ်သည်။

ထုိုင်းရှေ့နေများကောင်စီနှင့် မြန်မာသံရုံးစုံစမ်းရေးကော်မတီတို့ စုပေါင်း၍ အယူခံ လျှောက်ထားရန်အတွက် ၉၀ ရာခုိုင်နှုန်း ပြင်ဆင်ပြီးနေပြီ ဖြစ်သော်လည်း  အချက်အလက် ရယူမှုတွင် လွဲမှားမှုများ ရှိနေသဖြင့် အယူခံ ရက်တစ်လ ထပ်တုိုးတောင်းဆုိုခြင်း ဖြစ်သည်ဟု မြန်မာသံရုံးစုံစမ်းရေးကော်မတီမှ ရှေ့နေ ဦးအောင်မျိုးသန့်က ပြောသည်။

“အခုကြားမှာ ပြဿနာတစ်ခု ရှိသွားတာက ၂၃ ရက် ၃လ မှာ ရှေ့နေများကောင်စီနှင့် မြန်မာဘာသာပြန်တုို့ အကျဉ်းထောင်တွေရှိတဲ့ ဇော်နဲ့ ဝင်းနဲ့ အယူခံနဲ့ ပတ်သက်လုို့ သိချင်တဲ့ အချက်တွေမေးဖုို့ သွားတဲ့အချိန်မှာ အကျဉ်ဦးစီးဌာန ယာယီ တာဝန်ခံက ရှေ့နေတွေကုိုတော့ ဝင်ပေးပြီးတော့ ဘာသာပြန်ကုိုကြတော့ ဝင်ခွင့်မပေးခဲ့ဘူး။ အဲဒီမှာ ပြဿနာဖြစ်တယ်။

ဘာဖြစ်လို့ လဲဆုိုတော့ တရားစွဲခံရလူက ဗမာလူမျုိးဖြစ်တယ်။ အယူခံအတွက် စစ်ဆေးပြီးတော့ အချက်အလက် ယူမယ့်လူက ထုိုင်းရှေ့နေဖြစ်တယ်။ ဘယ်လုိုမှ အပြန်အလှန် ဆက်သွယ်လုို့ရနုိုင်မှာ မဟုတ်အတွက် ဘာသာပြန်ခေါ်လာတာကုို ထောင်ဦးစီးဌာနက ခွင့်ပြုခြင်း မရှိဘူးဆုိုတာက လွဲမှားတယ်ဆုိုတာကုို အန်ကယ်တ်ုို့သိလုို့ အဲဒီအကြောင်းကုို သက်ဆုိုင်ရာကုို စာတင်ရပါတယ်”ဟု သူက မဇ္စျိမကုို ပြောသည်။

ထုိုသုို့ စာတင်ခဲ့သဖြင့် ဧပြီလ ၁၈ ရက်တွင် ဘာသာပြန်အား ပြန်လည် ဝင်ခွင့်ရခဲ့သဖြင့် အချက်အလက်များ ပြန်လည် ရယူခဲ့ခြင်းဖြစ်သည်ဟု သူက ပြောသည်။

ပြီးခဲ့သည့် ၂၀၁၄ ခုနှစ် စက်တင်ဘာလက ဗြိတိန်နုိုင်ငံသား ဟန်နား ဝီသာရစ်နှင့် ဒေးဗစ်မေလာတုို့ အသတ်ခံရမှုတွင် မြန်မာနုိုင်ငံသား ဇော်လင်းနှင့် ဝင်းဇော်ထွန်းတုို့ကုို ၂၀၁၅ ခုနှစ် ဒီဇင်ဘာလ ၂၄ ရက်က လူသတ်မှု အပါအဝင် ပုဒ်မ ၇ ခုဖြင့် သေဒဏ် ချမှတ်ခဲ့ခြင်း ဖြစ်သည်။

မတ်လ ၂၃ ရက်ကလည်း အယူခံ လျှောက်ထားရန် တတိယအကြိမ်မြောက် ရက်တုိုးတောင်းဆုိုခဲ့ရာ ယခုတစ်ကြိမ်တွင် စတုတ္ထကြိမ်မြောက် ရက်တုိုးတောင်းဆုိုခြင်း ဖြစ်သည်။