ငြိမ်းချမ်းရေးနိုဘယ်လ်ဆုအတွက် ဆန်ကာတင် လူပုဂ္ဂိုလ်နဲ့ အဖွဲ့အစည်းအမည်စာရင်း ငါးခုကို သီးခြားလွတ်လပ်တဲ့ သုတေသနအဖွဲ့တခုဖြစ်တဲ့ PRIO က ထုတ်ပြန်ရာမှာ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီးဦးကျော်မိုးထွန်းနဲ့ အမျိုးသားညီညွတ်ရေးအတိုင်ပင်ခံကောင်စီ (NUCC) ပါဝင်လာပါတယ်။
ဦးကျော်မိုးထွန်းနဲ့ NUCC ဟာ PRIOရဲ့ ဆန်ကာတင်စာရင်းနံပါတ်လေးနေရာမှာ ပါဝင်တာဖြစ်ပြီး ငြိမ်းချမ်းရေးနိုဘယ်လ်ဆုနဲ့ ထိုက်တန်တယ်လို့ ဖော်ပြထားတာပါ။ အခုလို အဆိုပြုခံရတာဟာ မြန်မာလူထုရဲ့ စစ်အာဏာရှင်ဆန့်ကျင်ရေးတိုက်ပွဲဖြစ်တဲ့ နွေဦးတော်လှန်ရေးကို ကမ္ဘာက အာရုံစိုက်နေတာဖြစ်တယ်လို့ NUCC ကောင်စီဝင်လည်းဖြစ်၊ပအို့ဝ်အမျိုးသားဖက်ဒရယ်ကောင်စီဥက္ကဋ္ဌလည်းဖြစ်တဲ့ ခွန်မြင့်ထွန်းက ပြောပါတယ်။
ဒီသတင်းအကြောင်းအရာအပြည့်အစုံကိုတော့ မဇ္ဈိမရဲ့ဝိုင်းတော်သားတဦးဖြစ်တဲ့ မောင်ခက်နွေက တင်ဆက်ပေးထားပါတယ်။
တင်ဆက်၊ တည်းဖြတ် - မောင်ခက်နွေ