အိန္ဒိယနိုင်ငံရဲ့ ဆယ်ကျော်သက် စစ်တုရင်ဉာဏ်ကြီးရှင် ရာမရှ်ဘာဘူ ပရက်နာနန်ဒါဟာ ဂုဏ်ပြုခံဖို့ နေရပ်ကို ဗုဒ္ဓဟူးနေ့မှာ ရောက်ရှိလာခဲ့ပြီး ကမ္ဘာစစ်တုရင်ဗိုလ်လုပွဲမှာ နိုင်ငံတကာ နံပါတ် ၁ မဂ္ဂနက်စ် ကာလ်ဆန်နဲ့ ရင်ဆိုင်ခဲ့သူဖြစ်ပါတယ်။
"ပရက် (Pragg)"လို့ လူသိများတဲ့ အသက် ၁၈ နှစ်အရွယ် ဒီကစားသမားဟာ ပြီးခဲ့တဲ့ သီတင်းပတ်က အဇာဘိုင်ဂျနီမြို့တော် ဘာကူမှာ ကျင်းပခဲ့တဲ့ စစ်တုရင် ကမ္ဘာ့ဖလား ဗိုလ်လုပွဲကို တက်လှမ်းနိုင်တဲ့ အသက်အငယ်ဆုံး ကစားသမားဖြစ်ပါတယ်။
ပရက်ဟာ နိုင်ငံတကာစစ်တုရင်အဖွဲ့ချုပ် (FIDE) ဗိုလ်လုပွဲမှာ ကာလ်ဆန်ကို nail-biting tiebreak မှာ ရှုံးနိမ့်ပြီးနောက် ငွေတံဆိပ်နဲ့ ပြီးဆုံးခဲ့ပါတယ်။
ပရက်ဟာ "ခက်ခဲတဲ့ အခြေအနေတွေမှာ အလွန်စိတ်ရှည်တယ်"လို့ ပြောတဲ့ စစ်တုရင်အကျော်အမော် ဂယ်ရီ ကာစပါးရော့ထံကနေ ချီးကျူးမှုရရှိခဲ့ပါတယ်။
ဗုဒ္ဓဟူးနေ့မှာ ပရက်ဟာ အိန္ဒိယနိုင်ငံတောင်ပိုင်းရှိ သူ့ရဲ့ မွေးရပ်ဖြစ်တဲ့ ချန်နိုင်း လေဆိပ်ကနေ ထွက်လာစဉ် သူ့ကို ပန်းစည်းတွေနဲ့ မှုန့်ချိုတွေ ပေးအပ်ခဲ့တဲ့ ပရိသတ်အမြောက်အမြားက ကြိုဆိုနှုတ်ဆက်ခဲ့ပါတယ်။
“ကျနော်ကို တွေ့ဆုံဖို့ လူတွေအများကြီးလာကြတာကို တွေ့ရလို့ အရမ်းဝမ်းသာမိပါတယ်… တကယ်ပဲ ဝမ်းသာပါတယ်”လို့ သူက ပြောပါတယ်။
ဘဏ်ဝန်ထမ်းတစ်ဦးနဲ့ အိမ်ရှင်မတစ်ဦးရဲ့သားဖြစ်သူ Grandmaster ဟာ လေးနှစ်သားကတည်းက စစ်တုရင်အားကစားကို ကစားခဲ့ပါတယ်။
ပရက်ဟာ ကမ္ဘာ့ဒုတိယအသက်အငယ်ဆုံးစစ်တုရင် Grandmaster ဖြစ်လာခဲ့ချိန်က သူဟာ ၂၀၁၈ မှာ အသက်၁၂ နှစ်၊ ၁၀ လနဲ့ ၁၃ ရက်သာရှိသေးပါတယ်။
ဗစ်ဝါနာသန် အာနန်ဟာ ၁၉၈၈ မှာ အသက် ၁၈ နှစ်အရွယ်မှာ နိုင်ငံရဲ့ ပထမဆုံးသော Grandmaster ဖြစ်လာပြီး ၂၀၀၀ ပြည့်နှစ်တွေအတွင်း ဒီပြိုင်ပွဲက လွှမ်းမိုးလာပြီးနောက် လွန်ခဲ့တဲ့ဆယ်စုနှစ်နှစ်ခုမှာ အိန္ဒိယနိုင်ငံမှာ စစ်တုရင်ကစားနည်းဟာ လူကြိုက်များလာခဲ့ပါတယ်။
ရှေးက စစ်တုရင်သမားတွေဟာ အေဒီခြောက်ရာစုမှာ အိန္ဒိယမှာ ပေါက်ဖွားလာတယ်လို့ တချို့က ယူဆကြပြီး ဒီကစားနည်းဟာ ပါရှားအထိ ပြန့်နှံ့ကာ ကနေ့ခေတ် "Game of Kings" အဖြစ်ကို ပြောင်းလဲလာကြပါတယ်။
Ref; AFP
