မကွေးတိုင်း၊ ဂန့်ဂေါမြို့နယ်က စစ်ကောင်စီစခန်းကုန်းတခုကို ယောကာကွယ်ရေးတပ်(YDF)ရဲ့ ယောနကစစ်ကြောင်းက သြဂုတ်လ ၂၁ ရက်နေ့ နံနက်ပိုင်းမှာ ၀င်ရောက်တိုက်ခိုက်ခဲ့ပါတယ်။
စစ်ကောင်စီတပ်ရဲ့ အမှတ်(၂၃) ကာကွယ်ရေး ပစ္စည်းစက်ရုံနဲ့ နှစ်မိုင်အကွာမှာရှိပြီး စစ်ရေးဗျူဟာအချက်အချာကျတဲ့ စခန်းကုန်းဖြစ်တာကြောင့် တိုက်ခိုက်ခဲ့တာဖြစ်တယ်လို့ YDF ပြန်ကြားရေးအဖွဲ့၀င်တဦးက ပြောပါတယ်။
အဲဒီ့တိုက်ပွဲမှာ တပ်ကြပ်ကြီးအပါအ၀င် စစ်ကောင်စီတပ်ဖွဲ့၀င် သုံးဦးသေဆုံးခဲ့ပြီး သေနတ်နှစ်လက်နဲ့ အသုံးအဆောင်ပစ္စည်းအချို့သိမ်းဆည်းနိုင်ခဲ့တယ်လို့ ၎င်းကဆိုပါတယ်။ ကာကွယ်ရေးတပ်ဖွဲ့ဘက်မှာအထိအခိုက်မရှိခဲ့ဘူးလို့ YDF က သတင်းထုတ်ပြန်ထားပါတယ်။
YDFအနေနဲ့ ယောဒေသအပါအဝင် နိုင်ငံတဝှမ်းလုံး ဖက်ဒရယ်ဒီမိုကရေစီစနစ်ပေါ်ပေါက်ရေးအတွက် ဆက်လက်တိုက်ပွဲဝင်သွားမှာဖြစ်ကြောင်း ပြည်သူလူထုကို သတင်းစကားပါးပါတယ်။
တင်ဆက်/ တည်းဖြတ် - ရောင်နီ
