စစ်ကိုင်းတိုင်း ၊ ယင်းမာပင်မြို့နယ်၊ ချင်းတွင်း မြစ်ကြောင်းတလျှောက်ကို စစ်ကောင်စီတပ်က စစ်ကြောင်းထိုးနေတာကြောင့် ကျောက်မှော် ၊ စုန်းချောင်း ၊ စည်သူ ၊ ပန်းတိမ်ပြင် ၊ ကျောက်ကုန်း ၊ နွားခြံကုန်း စတဲ့ ကျေးရွာ ၁၀ ရွာက ဒေသခံပြည်သူ ၁၀,၀၀၀ ကျော် မိုးထဲ၊လေထဲ စစ်ရှောင်နေရပါတယ်။
စစ်ကောင်စီတပ်က ကုန်းကြောင်းရော ရေကြောင်းကပါ အင်အားသုံးစစ်ကြောင်းထိုးနေတာကြောင့် ဒေသခံတွေဟာ တစ်နေရာကနေ တစ်နေရာ ကို ရွှေ့ပြောင်းနေထိုင်ကြရပြီး စစ်ကောင်စီရဲ့ လက်နက်ကြီးတွေကြောင့် ဝေးနိုင်သမျှ အဝေးဆုံးကို ရှောင်ပြေးနေရပါတယ်။
စစ်ရှောင်ရက် ကြာလာတာနဲ့အမျှ စားဝတ်နေရေးနဲ့ ကျန်းမာရေးခက်ခဲလာတာအပြင် မိုးရာသီကြောင့် အမိုးအကာတွေပါ လိုအပ်နေတယ်လို့ သိရပါတယ်။
တင်ဆက်-လွှမ်းမိုး
ရုပ်သံတည်းဖြတ်-ဂျူချန်း
